ସରସ୍ୱତୀ କୱଚମ୍
(ବ୍ରହ୍ମୱୈୱର୍ତ ମହାପୁରାଣାଂତର୍ଗତଂ)
ଭୃଗୁରୁୱାଚ ।
ବ୍ରହ୍ମନ୍ବ୍ରହ୍ମୱିଦାଂଶ୍ରେଷ୍ଠ ବ୍ରହ୍ମଜ୍ଞାନୱିଶାରଦ ।
ସର୍ୱଜ୍ଞ ସର୍ୱଜନକ ସର୍ୱପୂଜକପୂଜିତ ॥ 60
ସରସ୍ୱତ୍ୟାଶ୍ଚ କୱଚଂ ବ୍ରୂହି ୱିଶ୍ୱଜୟଂ ପ୍ରଭୋ ।
ଅୟାତୟାମମଂତ୍ରାଣାଂ ସମୂହୋ ୟତ୍ର ସଂୟୁତଃ ॥ 61 ॥
ବ୍ରହ୍ମୋୱାଚ ।
ଶୃଣୁ ୱତ୍ସ ପ୍ରୱକ୍ଷ୍ୟାମି କୱଚଂ ସର୍ୱକାମଦମ୍ ।
ଶ୍ରୁତିସାରଂ ଶ୍ରୁତିସୁଖଂ ଶ୍ରୁତ୍ୟୁକ୍ତଂ ଶ୍ରୁତିପୂଜିତମ୍ ॥ 62 ॥
ଉକ୍ତଂ କୃଷ୍ଣେନ ଗୋଲୋକେ ମହ୍ୟଂ ୱୃଂଦାୱନେ ୱନେ ।
ରାସେଶ୍ୱରେଣ ୱିଭୁନା ରାସେ ୱୈ ରାସମଂଡଲେ ॥ 63 ॥
ଅତୀୱ ଗୋପନୀୟଂଚ କଲ୍ପୱୃକ୍ଷସମଂ ପରମ୍ ।
ଅଶ୍ରୁତାଦ୍ଭୁତମଂତ୍ରାଣାଂ ସମୂହୈଶ୍ଚ ସମନ୍ୱିତମ୍ ॥ 64 ॥
ୟଦ୍ଧୃତ୍ୱା ପଠନାଦ୍ବ୍ରହ୍ମନ୍ବୁଦ୍ଧିମାଂଶ୍ଚ ବୃହସ୍ପତିଃ ।
ୟଦ୍ଧୃତ୍ୱା ଭଗୱାଂଛୁକ୍ରଃ ସର୍ୱଦୈତ୍ୟେଷୁ ପୂଜିତଃ ॥ 65 ॥
ପଠନାଦ୍ଧାରଣାଦ୍ୱାଗ୍ମୀ କୱୀଂଦ୍ରୋ ୱାଲ୍ମିକୀ ମୁନିଃ ।
ସ୍ୱାୟଂଭୁୱୋ ମନୁଶ୍ଚୈୱ ୟଦ୍ଧୃତ୍ୱା ସର୍ୱପୂଜିତାଃ ॥ 66 ॥
କଣାଦୋ ଗୌତମଃ କଣ୍ୱଃ ପାଣିନିଃ ଶାକଟାୟନଃ ।
ଗ୍ରଂଥଂ ଚକାର ୟଦ୍ଧୃତ୍ୱା ଦକ୍ଷଃ କାତ୍ୟାୟନଃ ସ୍ୱୟମ୍ ॥ 67 ॥
ଧୃତ୍ୱା ୱେଦୱିଭାଗଂଚ ପୁରାଣାନ୍ୟଖିଲାନି ଚ ।
ଚକାର ଲୀଲାମାତ୍ରେଣ କୃଷ୍ଣଦ୍ୱୈପାୟନଃ ସ୍ୱୟମ୍ ॥ 68 ॥
ଶାତାତପଶ୍ଚ ସଂୱର୍ତୋ ୱସିଷ୍ଠଶ୍ଚ ପରାଶରଃ ।
ୟଦ୍ଧୃତ୍ୱା ପଠନାଦ୍ଗ୍ରଂଥଂ ୟାଜ୍ଞୱଲ୍କ୍ୟଶ୍ଚକାର ସଃ ॥ 69 ॥
ଋଷ୍ୟଶୃଂଗୋ ଭରଦ୍ୱାଜଶ୍ଚାସ୍ତୀକୋ ଦେୱଲସ୍ତଥା ।
ଜୈଗୀଷୱ୍ୟୋऽଥ ଜାବାଲିର୍ୟଦ୍ଧୃତ୍ୱା ସର୍ୱପୂଜିତଃ ॥ 70 ॥
କୱଚସ୍ୟାସ୍ୟ ୱିପ୍ରେଂଦ୍ର ଋଷିରେଷ ପ୍ରଜାପତିଃ ।
ସ୍ୱୟଂ ବୃହସ୍ପତିଶ୍ଛଂଦୋ ଦେୱୋ ରାସେଶ୍ୱରଃ ପ୍ରଭୁଃ ॥ 71 ॥
ସର୍ୱତତ୍ତ୍ୱପରିଜ୍ଞାନେ ସର୍ୱାର୍ଥେऽପି ଚ ସାଧନେ ।
କୱିତାସୁ ଚ ସର୍ୱାସୁ ୱିନିୟୋଗଃ ପ୍ରକୀର୍ତିତଃ ॥ 72 ॥
( କୱଚଂ )
ॐ ହ୍ରୀଂ ସରସ୍ୱତ୍ୟୈ ସ୍ୱାହା ଶିରୋ ମେ ପାତୁ ସର୍ୱତଃ ।
ଶ୍ରୀଂ ୱାଗ୍ଦେୱତାୟୈ ସ୍ୱାହା ଭାଲଂ ମେ ସର୍ୱଦାऽୱତୁ ॥ 73 ॥
ॐ ହ୍ରୀଂ ସରସ୍ୱତ୍ୟୈ ସ୍ୱାହେତି ଶ୍ରୋତ୍ରେ ପାତୁ ନିରଂତରମ୍ ।
ॐ ଶ୍ରୀଂ ହ୍ରୀଂ ଭଗୱତ୍ୟୈ ସରସ୍ୱତ୍ୟୈ ସ୍ୱାହା ନେତ୍ରୟୁଗ୍ମଂ ସଦାऽୱତୁ ॥ 74 ॥
ଐଂ ହ୍ରୀଂ ୱାଗ୍ୱାଦିନ୍ୟୈ ସ୍ୱାହା ନାସାଂ ମେ ସର୍ୱଦାऽୱତୁ ।
ହ୍ରୀଂ ୱିଦ୍ୟାଧିଷ୍ଠାତୃଦେୱ୍ୟୈ ସ୍ୱାହା ଚୋଂଷ୍ଠ ସଦାऽୱତୁ ॥ 75 ॥
ॐ ଶ୍ରୀଂ ହ୍ରୀଂ ବ୍ରାହ୍ମ୍ୟୈ ସ୍ୱାହେତି ଦଂତପଂକ୍ତିଂ ସଦାऽୱତୁ ।
ଐମିତ୍ୟେକାକ୍ଷରୋ ମଂତ୍ରୋ ମମ କଂଠଂ ସଦାऽୱତୁ ॥ 76 ॥
ॐ ଶ୍ରୀଂ ହ୍ରୀଂ ପାତୁ ମେ ଗ୍ରୀୱାଂ ସ୍କଂଧଂ ମେ ଶ୍ରୀଂ ସଦାऽୱତୁ ।
ॐ ହ୍ରୀଂ ୱିଦ୍ୟାଧିଷ୍ଠାତୃଦେୱ୍ୟୈ ସ୍ୱାହା ୱକ୍ଷଃ ସଦାऽୱତୁ ॥ 77 ॥
ॐ ହ୍ରୀଂ ୱିଦ୍ୟାସ୍ୱରୂପାୟୈ ସ୍ୱାହା ମେ ପାତୁ ନାଭିକାମ୍ ।
ॐ ହ୍ରୀଂ କ୍ଲୀଂ ୱାଣ୍ୟୈ ସ୍ୱାହେତି ମମ ପୃଷ୍ଠଂ ସଦାऽୱତୁ ॥ 78 ॥
ॐ ସର୍ୱୱର୍ଣାତ୍ମିକାୟୈ ପାଦୟୁଗ୍ମଂ ସଦାऽୱତୁ ।
ॐ ରାଗାଧିଷ୍ଠାତୃଦେୱ୍ୟୈ ସର୍ୱାଂଗଂ ମେ ସଦାऽୱତୁ ॥ 79 ॥
ॐ ସର୍ୱକଂଠୱାସିନ୍ୟୈ ସ୍ୱାହା ପ୍ରଚ୍ୟାଂ ସଦାऽୱତୁ ।
ॐ ହ୍ରୀଂ ଜିହ୍ୱାଗ୍ରୱାସିନ୍ୟୈ ସ୍ୱାହାऽଗ୍ନିଦିଶି ରକ୍ଷତୁ ॥ 80 ॥
ॐ ଐଂ ହ୍ରୀଂ ଶ୍ରୀଂ ସରସ୍ୱତ୍ୟୈ ବୁଧଜନନ୍ୟୈ ସ୍ୱାହା ।
ସତତଂ ମଂତ୍ରରାଜୋऽୟଂ ଦକ୍ଷିଣେ ମାଂ ସଦାऽୱତୁ ॥ 81 ॥
ॐ ହ୍ରୀଂ ଶ୍ରୀଂ ତ୍ର୍ୟକ୍ଷରୋ ମଂତ୍ରୋ ନୈରୃତ୍ୟାଂ ମେ ସଦାऽୱତୁ ।
କୱିଜିହ୍ୱାଗ୍ରୱାସିନ୍ୟୈ ସ୍ୱାହା ମାଂ ୱାରୁଣେऽୱତୁ ॥ 82 ॥
ॐ ସଦଂବିକାୟୈ ସ୍ୱାହା ୱାୟୱ୍ୟେ ମାଂ ସଦାऽୱତୁ ।
ॐ ଗଦ୍ୟପଦ୍ୟୱାସିନ୍ୟୈ ସ୍ୱାହା ମାମୁତ୍ତରେऽୱତୁ ॥ 83 ॥
ॐ ସର୍ୱଶାସ୍ତ୍ରୱାସିନ୍ୟୈ ସ୍ୱାହୈଶାନ୍ୟାଂ ସଦାऽୱତୁ ।
ॐ ହ୍ରୀଂ ସର୍ୱପୂଜିତାୟୈ ସ୍ୱାହା ଚୋର୍ଧ୍ୱଂ ସଦାऽୱତୁ ॥ 84 ॥
ଐଂ ହ୍ରୀଂ ପୁସ୍ତକୱାସିନ୍ୟୈ ସ୍ୱାହାऽଧୋ ମାଂ ସଦାୱତୁ ।
ॐ ଗ୍ରଂଥବୀଜରୂପାୟୈ ସ୍ୱାହା ମାଂ ସର୍ୱତୋऽୱତୁ ॥ 85 ॥
ଇତି ତେ କଥିତଂ ୱିପ୍ର ସର୍ୱମଂତ୍ରୌଘୱିଗ୍ରହମ୍ ।
ଇଦଂ ୱିଶ୍ୱଜୟଂ ନାମ କୱଚଂ ବ୍ରହ୍ମାରୂପକମ୍ ॥ 86 ॥
ପୁରା ଶ୍ରୁତଂ ଧର୍ମୱକ୍ତ୍ରାତ୍ପର୍ୱତେ ଗଂଧମାଦନେ ।
ତୱ ସ୍ନେହାନ୍ମୟାऽऽଖ୍ୟାତଂ ପ୍ରୱକ୍ତୱ୍ୟଂ ନ କସ୍ୟଚିତ୍ ॥ 87 ॥
ଗୁରୁମଭ୍ୟର୍ଚ୍ୟ ୱିଧିୱଦ୍ୱସ୍ତ୍ରାଲଂକାରଚଂଦନୈଃ ।
ପ୍ରଣମ୍ୟ ଦଂଡୱଦ୍ଭୂମୌ କୱଚଂ ଧାରୟେତ୍ସୁଧୀଃ ॥ 88 ॥
ପଂଚଲକ୍ଷଜପେନୈୱ ସିଦ୍ଧଂ ତୁ କୱଚଂ ଭୱେତ୍ ।
ୟଦି ସ୍ୟାତ୍ସିଦ୍ଧକୱଚୋ ବୃହସ୍ପତି ସମୋ ଭୱେତ୍ ॥ 89 ॥
ମହାୱାଗ୍ମୀ କୱୀଂଦ୍ରଶ୍ଚ ତ୍ରୈଲୋକ୍ୟୱିଜୟୀ ଭୱେତ୍ ।
ଶକ୍ନୋତି ସର୍ୱଂ ଜେତୁଂ ସ କୱଚସ୍ୟ ପ୍ରଭାୱତଃ ॥ 90 ॥
ଇଦଂ ତେ କାଣ୍ୱଶାଖୋକ୍ତଂ କଥିତଂ କୱଚଂ ମୁନେ ।
ସ୍ତୋତ୍ରଂ ପୂଜାୱିଧାନଂ ଚ ଧ୍ୟାନଂ ୱୈ ୱଂଦନଂ ତଥା ॥ 91 ॥
ଇତି ଶ୍ରୀ ବ୍ରହ୍ମୱୈୱର୍ତେ ମହାପୁରାଣେ ପ୍ରକୃତିଖଂଡେ ନାରଦନାରାୟଣସଂୱାଦେ ସରସ୍ୱତୀକୱଚଂ ନାମ ଚତୁର୍ଥୋऽଧ୍ୟାୟଃ ।