ପ୍ରଲୟ-ପୟୋଧୀ-ଜଲେ ଧୃତବାନସି ବେଦଂ
ବିହିତ-ବହିତ୍ର-ଚରିତ୍ର-ମଖେଦମ୍
କେଶବଧୃତ, ମୀନ ଶରୀର, ଜୟ ଜଗଦୀଶ ହରେ ॥୧॥
କ୍ଷିତିରତି-ବିପୁଲତରେ ତବ ତିଷ୍ଠତି ପୃଷେ
ଧରଣୀ-ଧାରଣ-କିଣ ଚକ୍ର ଗରିଷ୍ଠେ
କେଶବଧୃତ, କଚ୍ଛପ ରୂପ, ଜୟ ଜଗଦୀଶ ହରେ ।୨।
ବସତି ଦଶନ-ଶିଖରେ ଧରଣୀ ତବ ଲଗ୍ନା
ଶଶିନି କଲଙ୍କ କଲେବ ନିମଗ୍ନା
କେଶବଧୃତ, ଶୂକର ରୂପ, ଜୟ ଜଗଦୀଶ ହରେ ।୩।
ତବ କର କମଳବରେ ନଖମଭୂତ ଶୃଙ୍ଗମ୍
ଦଲିତ ହୀରଣ୍ୟକଶିପୁ ତନୁ ଭୃଙ୍ଗମ୍
କେଶବଧୃତ, ନରହରି ରୂପ, ଜୟ ଜଗଦୀଶ ହରେ ॥ ୪॥
ଛଳୟସି ବିକ୍ରମଣେ ବଲିମଭୂତ ବାମନ
ପଦ ନଖ ନୀର ଜନିତ ଜନ ପାବନ
କେଶବଧୃତ, ବାମନ ରୂପ, ଜୟ ଜଗଦୀଶ ହରେ ॥୫॥
କ୍ଷତ୍ରିୟ ରୂଧୀର ମୟେ ଜଗଦପଗତ ପାପଂ
ସ୍ନପୟସି ପୟସି ଶମିତ ଭବ ତାପମ୍
କେଶବଧୃତ, ଭୃଗୁପତି ରୂପ, ଜୟ ଜଗଦୀଶ ହରେ ॥୬॥
ବିତରସି ଦିକ୍ଷୁ ରଣେ ଦିକ୍-ପତି-କମନୀୟ
ଦଶମୁଖ-ମୌଲି-ବଲିଂ ରମଣୀୟମ୍
କେଶବଧୃତ, ରାମ ଶରୀର, ଜୟ ଜଗଦୀଶ ହରେ ॥ ୭ ॥
ବହସି ବପୁସି ବିଶଦେ ବସନଂ ଜଲଦାଭଂ
ହଲ ହତିଭୀତି ମିଳିତ ୟମୁନାଭମ୍
କେଶବଧୃତ, ହଲଧର ରୂପ, ଜୟ ଜଗଦୀଶ ହରେ ॥୮ ||
ନିନ୍ଦସି ୟଜ୍ଞ-ବିଧେ ରହହ ଶ୍ରୁତି-ଜାତମ୍
ସହୟ-ହୃଦୟ ଦର୍ଶିତ ପଶୁ-ଘାତମ୍
କେଶବଧୃତ, ବୁଦ୍ଧ ଶରୀର, ଜୟ ଜଗଦୀଶ ହରେ ॥୯॥
ମ୍ଳେଚ୍ଛ ନିବହ ନିଧନେ କଲୟସି କରବାଲିଂ
ଧୂମକେତୁମିବ କିମପି କରାଲମ୍
କେଶବଧୃତ, କଲ୍କି ଶରୀର, ଜୟ ଜଗଦୀଶ ହରେ ।୧୦
ଶ୍ରୀ ଜୟଦେବ କବେରିଦମୁଦିତମୁଦାରଂ
ଶୃଣୁ ସୁଖଦଂ ଶୁଭଦଂ ଭବସାରମ୍
କେଶବଧୃତ, ଦଶବିଧୂ ରୂପ, ଜୟ ଜଗଦୀଶ ହରେ ।୧୧॥
ଦଶାବତାର ସ୍ତୋତ୍ରମ୍,
ପ୍ରଲୟ ପୟୋଧି ଜଲେ,
ଗୀତ ଗୋବିନ୍ଦ -
Dashavatara Stotram,
Pralaya Payodhi Jale,
Gita Govinda Odia Script Lyrics