*ବିନିଯୋଗ ----*
ॐ ଅସ୍ୟ ଶ୍ରୀ ହନୁମତ୍ ସହସ୍ରନାମସ୍ତୋତ୍ର ମନ୍ତ୍ରସ୍ୟ ଶ୍ରୀରାମଚନ୍ଦ୍ରଋଷିଃ, ଅନୁଷ୍ଟୁପ୍ ଛନ୍ଦଃ, ଶ୍ରୀହନୁମାନ୍ ମହାରୁଦ୍ରୋ ଦେବତା, ହ୍ରୀଂ ଶ୍ରୀଂ ହ୍ରୌଂ ହ୍ରାଂ ବୀଜଂ, ଶ୍ରୀଂ ଇତି ଶକ୍ତିଃ, କିଳିକିଳି ବୁବୁକାରେଣ ଇତି କୀଳକଂ, ଲଙ୍କାବିଧ୍ୱଂସନେତି କବଚମ୍, ମମ ସର୍ବୋପଦ୍ରବଶାନ୍ତ୍ୟର୍ଥେ ସର୍ବକାମସିଦ୍ଧ୍ୟର୍ଥେ ଚ ଜପେ ବିନିଯୋଗଃ ॥
*ଋଷ୍ୟାଦିନ୍ୟାସଃ ----*
ଶ୍ରୀରାମଚନ୍ଦ୍ର ଋଷୟେ ନମଃ ଶିରସି ।
ଅନୁଷ୍ଟୁପ୍ ଛନ୍ଦସେ ନମଃ ମୁଖେ ।
ହ୍ରୌଂ ବୀଜାୟ ନମଃ ଗୁହ୍ୟେ ।
ଶ୍ରୀ ହନୁମତେ କୀଳକାୟ ନମଃ ନାଭୌ ।
ଇଷ୍ଟାର୍ଥେ ବିନିଯୋଗାୟ ନମଃ ଅଞ୍ଜଳୌ ॥
*କରାଦିନ୍ୟାସଃ ----*
ॐ ଐଂ ହ୍ରୀଂ ଶ୍ରୀ ହନୁମତେ ରାମଦୂତାୟ ଅଙ୍ଗୁଷ୍ଠାଭ୍ୟାଂ ନମଃ, ହୃଦୟାୟ ନମଃ ।
ॐ ଲଙ୍କାବିଧ୍ବଂସନାୟ ତର୍ଜନୀଭ୍ୟାଂ ନମଃ, ଶିରସେ ସ୍ୱାହା ।
ॐ ଅଞ୍ଜନୀଗର୍ଭ ସମ୍ଭୂତାୟ ମଧ୍ୟମାଭ୍ୟାଂ ନମଃ, ଶିଖାୟୈ ବଷଟ୍ ।
ॐ ଶାକିନୀଡାକିନୀ ବିଧ୍ବଂସନାୟ ଅନାମିକାଭ୍ୟାଂ ନମଃ, କବଚାୟ ହୁମ୍ ।
ॐ କିଳିକିଳି ବୁବୁକାରେଣ ବିଭୀଷଣାୟ ହନୁମଦ୍ ଦେବାୟ କନିଷ୍ଠିକାଭ୍ୟାଂ ନମଃ, ନେତ୍ରତ୍ରୟାୟ ବୌଷଟ୍ ।
ॐ ହ୍ରୀଂ ଶ୍ରୀଂ ହ୍ରୌଂ ହ୍ରାଂ ଫଟ୍ ସ୍ବାହା କରତଳକରପୃଷ୍ଠାଭ୍ୟାଂ ନମଃ, ଅସ୍ତ୍ରାୟ ଫଟ୍ ॥
*ଧ୍ୟାନମ୍*
〰️〰️〰️
ପ୍ରତପ୍ତସ୍ୱର୍ଣ୍ଣବର୍ଣ୍ଣାଭଂ ସଂରକ୍ତାରୁଣଲୋଚନମ୍ ।
ସୁଗ୍ରୀବାଦିୟୁତଂ ଧ୍ୟାୟେତ୍ ପୀତାମ୍ବରସମାବୃତମ୍ ॥
ଗୋଷ୍ପଦୀକୃତବାରୀଶଂ ପୁଚ୍ଛମସ୍ତକମୀଶ୍ୱରମ୍ ।
ଜ୍ଞାନମୁଦ୍ରାଂ ଚ ବିଭ୍ରାଣଂ ସର୍ବାଳଙ୍କାରଭୂଷିତମ୍ ॥
ବାମହସ୍ତସମାକୃଷ୍ଟଦଶାସ୍ୟାନନମଣ୍ଡଳମ୍ ।
ଉଦ୍ୟଦ୍ ଦକ୍ଷିଣଦୋର୍ଦଣ୍ଡଂ ହନୂମନ୍ତଂ ବିଚିନ୍ତୟେତ୍ ॥
*ସ୍ତୋତ୍ରମ୍*
〰️〰️〰️
ହନୂମାନ୍ ଶ୍ରୀପ୍ରଦୋ ବାୟୁପୁତ୍ରୋ ରୁଦ୍ରୋଽନଘୋଽଜରଃ ।
ଅମୃତ୍ୟୁର୍ବୀରବୀରଶ୍ଚ ଗ୍ରାମବାସୋ ଜନାଶ୍ରୟଃ ॥୦୧
ଧନଦୋ ନିର୍ଗୁଣୋଽକାୟୋ ବୀରୋ ନିଧିପତିର୍ମୁନିଃ ।
ପିଙ୍ଗାକ୍ଷୋ ବରଦୋ ବାଗ୍ମୀ ସୀତାଶୋକବିନାଶନଃ ॥୦୨
ଶିବଃ ଶର୍ବଃ ପରୋଽବ୍ୟକ୍ତୋ ବ୍ୟକ୍ତାବ୍ୟକ୍ତୋ ରସାଧରଃ ।
ପିଙ୍ଗକେଶଃ ପିଙ୍ଗରୋମା ଶ୍ରୁତିଗମ୍ୟଃ ସନାତନଃ ॥୦୩
ଅନାଦିର୍ଭଗବାନ୍ ଦିବ୍ୟୋ ବିଶ୍ୱହେତୁର୍ନିରାମୟଃ ।
ଆରୋଗ୍ୟକର୍ତ୍ତା ବିଶ୍ୱେଶୋ ବିଶ୍ୱନାଥୋ ହରୀଶ୍ୱରଃ ॥୦୪
ଭର୍ଗୋ ରାମୋ ରାମଭକ୍ତଃ କଲ୍ୟାଣପ୍ରକୃତୀଃ ସ୍ଥିରଃ ।
ବିଶ୍ୱମ୍ଭରୋ ବିଶ୍ୱମୂର୍ତ୍ତିର୍ବିଶ୍ୱାକାରୋଽଥ ବିଶ୍ୱପଃ ॥୦୫
ବିଶ୍ୱାତ୍ମା ବିଶ୍ୱସେବ୍ୟୋଽଥ ବିଶ୍ୱୋ ବିଶ୍ୱଧରୋ ରବିଃ ।
ବିଶ୍ୱଚେଷ୍ଟୋ ବିଶ୍ୱଗମ୍ୟୋ ବିଶ୍ୱଧ୍ୟେୟଃ କଳାଧରଃ ॥୦୬
ପ୍ଲବଙ୍ଗମଃ କପିଶ୍ରେଷ୍ଠୋ ଜ୍ୟେଷ୍ଠୋ ବେଦ୍ୟୋ ବନେଚରଃ ।
ବାଳୋ ବୃଦ୍ଧୋ ଯୁବା ତତ୍ତ୍ୱଂ ତତ୍ତ୍ୱଗମ୍ୟଃ ସଖା ହ୍ୟଜଃ ॥୦୭
ଅଞ୍ଜନାସୂନୁରବ୍ୟଗ୍ରୋ ଗ୍ରାମଖ୍ୟାତୋ ଧରାଧରଃ ।
ଭୂର୍ଭୁବଃ ସ୍ୱର୍ମହର୍ଲୋକୋ ଜନୋଲୋକସ୍ତପୋଽବ୍ୟୟଃ ॥୦୮
ସତ୍ୟମୋଙ୍କାରଗମ୍ୟଶ୍ଚ ପ୍ରଣବୋ ବ୍ୟାପକୋଽମଳଃ ।
ଶିବଧର୍ମପ୍ରତିଷ୍ଠାତା ରାମେଷ୍ଟଃ ଫାଲ୍ଗୁନପ୍ରିୟଃ ॥୦୯
ଗୋଷ୍ପଦୀକୃତବାରୀଶଃ ପୂର୍ଣ୍ଣକାମୋ ଧରାପତିଃ ।
ରକ୍ଷୋଘ୍ନଃ ପୁଣ୍ଡରୀକାକ୍ଷଃ ଶରଣାଗତବତ୍ସଳଃ ॥୧୦
ଜାନକୀପ୍ରାଣଦାତା ଚ ରକ୍ଷଃପ୍ରାଣାପହାରକଃ ।
ପୂର୍ଣ୍ଣଃ ସତ୍ୟଃ ପୀତବାସା ଦିବାକରସମପ୍ରଭଃ ॥୧୧
ଦେବୋଦ୍ୟାନବିହାରୀ ଚ ଦେବତାଭୟଭଞ୍ଜନଃ ।
ଭକ୍ତୋଦୟୋ ଭକ୍ତଲବ୍ଧୋ ଭକ୍ତପାଳନତତ୍ପରଃ ॥୧୨
ଦ୍ରୋଣହର୍ତା ଶକ୍ତିନେତା ଶକ୍ତିରାକ୍ଷସମାରକଃ ।
ଅକ୍ଷଘ୍ନୋ ରାମଦୂତଶ୍ଚ ଶାକିନୀଜୀବହାରକଃ ॥୧୩
ବୁଭୂକାରହତାରାତି-ର୍ଗର୍ବପର୍ବତମର୍ଦ୍ଦନଃ ।
ହେତୁସ୍ତ୍ୱହେତୁଃ ପ୍ରାଂଶୁଶ୍ଚ ବିଶ୍ୱଭର୍ତ୍ତା ଜଗଦ୍ଗୁରୁଃ ॥୧୪
ଜଗନ୍ନେତା ଜଗନ୍ନାଥୋ ଜଗଦୀଶୋ ଜନେଶ୍ୱରଃ ।
ଜଗଦ୍ଧିତୋ ହରିଃ ଶ୍ରୀଶୋ ଗରୁଡସ୍ମୟଭଞ୍ଜନଃ ॥୧୫
ପାର୍ଥଧ୍ୱଜୋ ବାୟୁପୁତ୍ରୋଽମିତପୁଚ୍ଛୋଽମିତପ୍ରଭଃ (ବିକ୍ରମଃ) ।
ବ୍ରହ୍ମପୁଚ୍ଛଃ ପରବ୍ରହ୍ମପୁଚ୍ଛୋ ରାମେଷ୍ଟକାରକଃ ॥୧୬
ସୁଗ୍ରୀବାଦିୟୁତୋ ଜ୍ଞାନୀ ବାନରୋ ବାନରେଶ୍ୱରଃ ।
କଳ୍ପସ୍ଥାୟୀ ଚିରଞ୍ଜୀବୀ ତପନଶ୍ଚ ସଦାଶିବଃ ॥୧୭
ସନ୍ମତଃ ସଦ୍ଗତିର୍ଭୁକ୍ତିମୁକ୍ତିଦଃ କୀର୍ତ୍ତିଦାୟକଃ ।
କୀର୍ତ୍ତିଃ କୀର୍ତ୍ତିପ୍ରଦଶ୍ଚୈବ ସମୁଦ୍ରଃ ଶ୍ରୀପ୍ରଦଃ ଶିବଃ ॥୧୮
ଭକ୍ତୋଦୟୋ ଭକ୍ତଗମ୍ୟୋ ଭକ୍ତଭାଗ୍ୟପ୍ରଦାୟକଃ ।
ଉଦଧିକ୍ରମଣୋ ଦେବଃ ସଂସାରଭୟନାଶନଃ ॥୧୯
ବାର୍ଧିବନ୍ଧନକୃଦ୍ ବିଶ୍ବଜେତା ବିଶ୍ୱପ୍ରତିଷ୍ଠିତଃ ।
ଲଙ୍କାରିଃ କାଳପୁରୁଷୋ ଲଙ୍କେଶଗୃହଭଞ୍ଜନଃ ॥୨୦
ଭୂତାବାସୋ ବାସୁଦେବୋ ବସୁସ୍ତ୍ରିଭୁବନେଶ୍ୱରଃ॥
ଶ୍ରୀରାମରୂପଃ କୃଷ୍ଣସ୍ତୁ ଲଙ୍କାପ୍ରାସାଦଭଞ୍ଜକଃ ॥୨୧
କୃଷ୍ଣଃ କୃଷ୍ଣସ୍ତୁତଃ ଶାନ୍ତଃ ଶାନ୍ତିଦୋ ବିଶ୍ୱପାବନଃ ।
ବିଶ୍ୱଭୋକ୍ତାଽଥ ମାରଘ୍ନୋ ବ୍ରହ୍ମଚାରୀ ଜିତେନ୍ଦ୍ରିୟଃ ॥୨୨
ଊର୍ଦ୍ଧ୍ବଗୋ ଲାଙ୍ଗୁଳୀ ମାଳୀ ଲାଙ୍ଗୂଳାହତରାକ୍ଷସଃ ।
ସମୀରତନୁଜୋ ବୀରୋ ବୀରତାରୋ ଜୟପ୍ରଦଃ ॥୨୩
ଜଗନ୍ମଙ୍ଗଳଦଃ ପୁଣ୍ୟଃ ପୁଣ୍ୟଶ୍ରବଣକୀର୍ତ୍ତନଃ ।
ପୁଣ୍ୟକୀର୍ତ୍ତିଃ ପୁଣ୍ୟଗତିର୍ଜଗତ୍ପାବନପାବନଃ ॥୨୪
ଦେବେଶୋ ଜିତମାରୋଽଥ ରାମଭକ୍ତବିଧାୟକଃ ।
ଧ୍ୟାତା ଧ୍ୟେୟୋ ଳୟଃ ସାକ୍ଷୀ ଚେତା ଚୈତନ୍ୟବିଗ୍ରହଃ ॥୨୫
ଜ୍ଞାନଦଃ ପ୍ରାଣଦଃ ପ୍ରାଣୋ ଜଗତ୍ପ୍ରାଣଃ ସମୀରଣଃ ।
ବିଭୀଷଣପ୍ରିୟଃ ଶୂରଃ ପିପ୍ପଳାଶ୍ରୟସିଦ୍ଧିଦଃ ॥୨୬
ସିଦ୍ଧଃ ସିଦ୍ଧାଶ୍ରୟଃ କାଳୋ ମହୋକ୍ଷଃ କାଳଜାନ୍ତକଃ ।
ଲଙ୍କେଶନିଧନସ୍ଥାୟୀ ଲଙ୍କାଦାହକ ଈଶ୍ୱରଃ ॥୨୭
ଚନ୍ଦ୍ରସୂର୍ଯ୍ୟାଗ୍ନିନେତ୍ରଶ୍ଚ କାଳିଗ୍ନିଃ ପ୍ରଳୟାନ୍ତକଃ ।
କପିଳଃ କପିଶଃ ପୁଣ୍ୟରାଶିର୍ଦ୍ୱାଦଶରାଶିଗଃ ॥୨୮
ସର୍ବାଶ୍ରୟୋଽପ୍ରମେୟାତ୍ମା ରେବତ୍ୟାଦିନିବାରକଃ ।
ଲକ୍ଷ୍ମଣପ୍ରାଣଦାତା ଚ ସୀତାଜୀବନହେତୁକଃ ॥୨୯
ରାମଧ୍ୟେୟୋ ହୃଷୀକେଶୋ ବିଷ୍ଣୁଭକ୍ତୋ ଜଟୀ ବଳୀ ।
ଦେବାରିଦର୍ପହା ହୋତା ଧାତା କର୍ତ୍ତା ଜଗତ୍ପ୍ରଭୁଃ ॥୩୦
ନଗରଗ୍ରାମପାଳଶ୍ଚ ଶୁଦ୍ଧୋ ବୁଦ୍ଧୋ ନିରତ୍ରପଃ ।
ନିରଞ୍ଜନୋ ନିର୍ବିକଳ୍ପୋ ଗୁଣାତୀତୋ ଭୟଙ୍କରଃ ॥୩୧
ହନୁମାଂଶ୍ଚ ଦୁରାରାଧ୍ୟସ୍ତପଃସାଧ୍ୟୋ ମହେଶ୍ୱରଃ ।
ଜାନକୀଧନଶୋକୋତ୍ଥତାପହର୍ତା ପରାତ୍ପରଃ ॥୩୨
ବାଙ୍ମୟଃ ସଦସଦ୍ ରୂପଃ କାରଣଂ ପ୍ରକୃତେଃ ପରଃ ।
ଭାଗ୍ୟଦୋ ନିର୍ମଳୋ ନେତା ପୁଚ୍ଛଲଙ୍କାବିଦାହକଃ ॥୩୩
ପୁଚ୍ଛବଦ୍ଧଯାତୁଧାନୋ ଯାତୁଧାନରିପୁପ୍ରିୟଃ ।
ଛାୟାପହାରୀ ଭୂତେଶୋ ଲୋକେଶଃ ସଦ୍ଗତିପ୍ରଦଃ ॥୩୪
ପ୍ଲବଙ୍ଗମେଶ୍ୱରଃ କ୍ରୋଧଃ କ୍ରୋଧସଂରକ୍ତଲୋଚନଃ ।
ସୌମ୍ୟୋ ଗୁରୁଃ କାବ୍ୟକର୍ତ୍ତା ଭକ୍ତାନାଂ ଚ ବରପ୍ରଦଃ ॥୩୫
ଭକ୍ତାନୁକମ୍ପୀ ବିଶ୍ୱେଶଃ ପୁରୁହୂତଃ ପୁରନ୍ଦରଃ ।
କ୍ରୋଧହର୍ତ୍ତା ତମୋହର୍ତ୍ତା ଭକ୍ତାଭୟବରପ୍ରଦଃ ॥୩୬
ଅଗ୍ନିର୍ବିଭାବସୁର୍ଭାସ୍ୱାନ୍ ଯମୋ ନିର୍ଋତିରେବ ଚ ।
ବରୁଣୋ ବାୟୁଗତିମାନ୍ ବାୟୁଃ କୌବେର ଈଶ୍ୱରଃ ॥୩୭
ରବିଶ୍ଚନ୍ଦ୍ରଃ କୁଜଃ ସୌମ୍ୟୋ ଗୁରୁଃ କାବ୍ୟଃ ଶନୈଶ୍ଚରଃ ।
ରାହୁଃ କେତୁର୍ମରୁଦ୍ଦାତା ଧାତା ହର୍ତ୍ତା ସମୀରଜଃ ॥୩୮
ମଶକୀକୃତଦେବାରି-ର୍ଦୈତ୍ୟାରିର୍ମଧୁସୂଦନଃ ।
କାମଃ କପିଃ କାମପାଳଃ କପିଳୋ ବିଶ୍ୱଜୀବନଃ ॥୩୯
ଭାଗୀରଥୀପଦାମ୍ଭୋଜଃ ସେତୁବନ୍ଧବିଶାରଦଃ ।
ସ୍ୱାହା ସ୍ୱଧା ହବିଃ କବ୍ୟଂ ହବ୍ୟବାହପ୍ରକାଶକଃ ॥୪୦
ସ୍ୱପ୍ରକାଶୋ ମହାବୀରୋ ଲଘୁରୂର୍ଜିତବିକ୍ରମଃ ।
ଉଡ୍ଡୀନୋଡ୍ଡୀନଗତିମାନ୍ ସଦ୍ଗତିଃ ପୁରୁଷୋତ୍ତମଃ ॥୪୧
ଜଗଦାତ୍ମା ଜଗଦ୍ୟୋନିର୍ଜଗଦନ୍ତୋ ହ୍ୟନନ୍ତକଃ ।
ବିପାପ୍ମା ନିଷ୍କଳଙ୍କୋଽଥ ମହାନ୍ ମହଦହଙ୍କୃତିଃ ॥୪୨
ଖଂ ବାୟୁଃ ପୃଥିବୀ ଚାପୋ ବହ୍ନିର୍ଦିକ୍'ପାଳ ଏବ ଚ ।
କ୍ଷେତ୍ରଜ୍ଞଃ କ୍ଷେତ୍ରହର୍ତ୍ତା ଚ ପଲ୍ୱଳୀକୃତସାଗରଃ ॥୪୩
ହିରଣ୍ମୟଃ ପୁରାଣଶ୍ଚ ଖେଚରୋ ଭୂଚରୋଽମରଃ ।
ହିରଣ୍ୟଗର୍ଭଃ ସୂତ୍ରାତ୍ମା ରାଜରାଜୋ ବିଶାମ୍ପତିଃ ॥୪୪
ବେଦାନ୍ତବେଦ୍ୟ ଉଦ୍ଗୀଥୋ ବେଦବେଦାଙ୍ଗପାରଗଃ ।
ପ୍ରତିଗ୍ରାମସ୍ଥିତିଃ ସଦ୍ୟଃ ସ୍ଫୂର୍ତିଦାତା ଗୁଣାକରଃ ॥୪୫
ନକ୍ଷତ୍ରମାଳୀ ଭୂତାତ୍ମା ସୁରଭିଃ କଳ୍ପପାଦପଃ ।
ଚିନ୍ତାମଣିର୍ଗୁଣନିଧିଃ ପ୍ରଜାଧାରୋ ହ୍ୟନୁତ୍ତମଃ ॥୪୬
ପୁଣ୍ୟଶ୍ଳୋକଃ ପୁରାରାତିର୍ଜ୍ୟୋତିଷ୍ମାନ୍ ଶର୍ବରୀପତିଃ ।
କିଲ୍କିଳା ରାବସନ୍ତ୍ରସ୍ତ-ଭୂତପ୍ରେତପିଶାଚକଃ ॥୪୭
ଋଣତ୍ରୟହରଃ ସୂକ୍ଷ୍ମଃ ସ୍ଥୂଳଃ ସର୍ବଗତିଃ ପୁମାନ୍ ।
ଅପସ୍ମାରହରଃ ସ୍ମର୍ତ୍ତା ଶ୍ରୁତିର୍ଗାଥା ସ୍ମୃତିର୍ମନୁଃ ॥୪୮
ସ୍ୱର୍ଗଦ୍ୱାରଂ ପ୍ରଜାଦ୍ୱାରଂ ମୋକ୍ଷଦ୍ୱାରଂ ଯତୀଶ୍ୱରଃ ।
ନାଦରୂପଃ ପରଂ ବ୍ରହ୍ମ ବ୍ରହ୍ମ ବ୍ରହ୍ମପୁରାତନଃ ॥୪୯
ଏକୋଽନେକୋ ଜନଃ ଶୁକ୍ଳଃ ସ୍ୱୟଂଜ୍ୟୋତିରନାକୁଳଃ ।
ଜ୍ୟୋତିର୍ଜ୍ୟୋତିରନାଦିଶ୍ଚ ସାତ୍ତ୍ୱିକୋ ରାଜସସ୍ତମଃ ॥୫୦
ତମୋହର୍ତା ନିରାଲମ୍ବୋ ନିରାକାରୋ ଗୁଣାକରଃ ।
ଗୁଣାଶ୍ରୟୋ ଗୁଣମୟୋ ବୃହତ୍କର୍ମା ବୃହଦ୍ୟଶାଃ॥୫୧
ବୃହଦ୍ଧନୁର୍ବୃହତ୍ପାଦୋ ବୃହନ୍ମୂର୍ଦ୍ଧା ବୃହତ୍ସ୍ୱନଃ ।
ବୃହତ୍କର୍ଣ୍ଣୋ ବୃହନ୍ନାସୋ ବୃହଦ୍ବାହୁର୍ବୃହତ୍ତନୁଃ ॥୫୧
ବୃହଜ୍ଜାନୁର୍ବୃହତ୍କାର୍ଯ୍ୟୋ ବୃହତ୍ପୁଚ୍ଛୋ ବୃହତ୍କରଃ ।
ବୃହଦ୍ଗତିର୍ବୃହତ୍ସେବ୍ୟୋ ବୃହଲ୍ଲୋକଫଳପ୍ରଦଃ ॥୫୨
ବୃହଚ୍ଛକ୍ତିର୍ବୃହଦ୍ୱାଞ୍ଛାଫଳଦୋ ବୃହଦୀଶ୍ୱରଃ ।
ବୃହଲ୍ଲୋକନୁତୋ ଦ୍ରଷ୍ଟା ବିଦ୍ୟାଦାତା ଜଗଦ୍ଗୁରୁଃ ॥୫୩
ଦେବାଚାର୍ଯ୍ୟଃ ସତ୍ୟବାଦୀ ବ୍ରହ୍ମବାଦୀ କଳାଧରଃ ।
ସପ୍ତପାତାଳଗାମୀ ଚ ମଳୟାଚଳସଂଶ୍ରୟଃ ॥୫୪
ଉତ୍ତରାଶାସ୍ଥିତଃ ଶ୍ରୀଦୋ ଦିବ୍ୟୌଷଧିବଶଃ ଖଗଃ ।
ଶାଖାମୃଗଃ କପୀନ୍ଦ୍ରୋଽଥ ପୁରାଣଶ୍ରୁତିଚଞ୍ଚୁରଃ ॥୫୫
ଚତୁରବ୍ରାହ୍ମଣୋ ଯୋଗୀ ଯୋଗିଗମ୍ୟଃ ପରାବରଃ ।
ଅନାଦିନିଧନୋ ବ୍ୟାସୋ ବୈକୁଣ୍ଠଃ ପୃଥିବୀପତିଃ ॥୫୬
ଅପରାଜିତୋ ଜିତାରାତିଃ ସଦାନନ୍ଦୋ ଦୟାୟୁତଃ ।
ଗୋପାଳୋ ଗୋପତିର୍ଗୋପ୍ତା କଳିକାଳପରାଶରଃ ॥୫୭
ମନୋବେଗୀ ସଦାଯୋଗୀ ସଂସାରଭୟନାଶନଃ ।
ତତ୍ତ୍ୱଦାତାଥ ତତ୍ତ୍ୱଜ୍ଞସ୍ତତ୍ତ୍ୱଂ ତତ୍ତ୍ୱପ୍ରକାଶକଃ ॥୫୮
ଶୁଦ୍ଧୋ ବୁଦ୍ଧୋ ନିତ୍ୟମୁକ୍ତୋ ଭକ୍ତରାଜୋ ଜଗଦ୍ରଥଃ ।
ପ୍ରଳୟୋଽମିତମାୟଶ୍ଚ ମାୟାତୀତୋ ବିମତ୍ସରଃ ॥୫୯
ମାୟାଭର୍ଜିତରକ୍ଷାଶ୍ଚ ମାୟାନିର୍ମିତବିଷ୍ଟପଃ ।
ମାୟାଶ୍ରୟଶ୍ଚ ନିର୍ଲେପୋ ମାୟାନିର୍ବର୍ତ୍ତକଃ ସୁଖମ୍ ॥୬୦
ସୁଖୀ ସୁଖପ୍ରଦୋ ନାଗୋ ମହେଶକୃତସଂସ୍ତବଃ ।
ମହେଶ୍ୱରଃ ସତ୍ୟସନ୍ଧଃ ଶରଭଃ କଳିପାବନଃ ॥୬୧
ସହସ୍ରକନ୍ଧରବଳ-ବିଧ୍ବଂସନବିଚକ୍ଷଣଃ ।
ସହସ୍ରବାହୁଃ ସହଜୋ ଦ୍ବିବାହୁର୍ଦ୍ବିଭୁଜୋଽମରଃ ॥୬୨
ଚତୁର୍ଭୁଜୋ ଦଶଭୁଜୋ ହୟଗ୍ରୀବଃ ଖଗାନନଃ ।
କପିବକ୍ତ୍ରଃ କପିପତିର୍ନରସିଂହୋ ମହାଦ୍ୟୁତିଃ ॥୬୩
ଭୀଷଣୋ ଭାବଗୋ ବନ୍ଦ୍ୟୋ ବରାହୋ ବାୟୁରୂପଧୃକ୍ ।
ଲକ୍ଷ୍ମଣପ୍ରାଣଦାତା ଚ ପରାଜିତଦଶାନନଃ ॥୬୪
ପାରିଜାତନିବାସୀ ଚ ବଟୁର୍ବଚନକୋବିଦଃ ।
ସୁରସାସ୍ୟବିନିର୍ମୁକ୍ତଃ ସିଂହିକାପ୍ରାଣହାରକଃ ॥୬୫
ଲଙ୍କାଳଙ୍କାରବିଧ୍ବଂସୀ ବୃଷଦଂଶକରୂପଧୃକ୍ ।
ରାତ୍ରିସଂଚାରକୁଶଳୋ ରାତ୍ରିଂଚରଗୃହାଗ୍ନିଦଃ ॥୬୬
କିଂକରାନ୍ତକରୋ ଜମ୍ବୁମାଳିହନ୍ତୋଗ୍ରରୂପଧୃକ୍ ।
ଆକାଶଚାରୀ ହରିଗୋ ମେଘନାଦରଣୋତ୍ସୁକଃ ॥୬୭
ମେଘଗମ୍ଭୀରନିନଦୋ ମହାରାବଣକୁଳାନ୍ତକଃ ।
କାଳନେମିପ୍ରାଣହାରୀ ମକରୀଶାପମୋକ୍ଷଦଃ ॥୬୮
ରସୋ ରସଜ୍ଞଃ ସମ୍ମାନୋ ରୂପଂ ଚକ୍ଷୁଃ ଶ୍ରୁତିର୍ବଚଃ ।
ଘ୍ରାଣୋ ଗନ୍ଧଃ ସ୍ପର୍ଶନଂ ଚ ସ୍ପର୍ଶୋଽଙ୍କାରମାନଗଃ ॥୬୯
ନେତି-ନେତୀତିଗମ୍ୟଶ୍ଚ ବୈକୁଣ୍ଠଭଜନପ୍ରିୟଃ ।
ଗିରୀଶୋ ଗିରିଜାକାନ୍ତୋ ଦୁର୍ବାସାଃ କବିରଙ୍ଗିରାଃ ॥୭୦
ଭୃଗୁର୍ବସିଷ୍ଠଶ୍ଚ୍ୟବନୋ ନାରଦସ୍ତୁମ୍ବୁରୋଽମଳଃ ।
ବିଶ୍ୱକ୍ଷେତ୍ରୋ ବିଶ୍ୱବୀଜୋ ବିଶ୍ୱନେତ୍ରଶ୍ଚ ବିଶ୍ୱପଃ ॥୭୧
ଯାଜକୋ ଯଜମାନଶ୍ଚ ପାବକଃ ପିତରସ୍ତଥା ।
ଶ୍ରଦ୍ଧା ବୁଦ୍ଧିଃ କ୍ଷମା ତନ୍ଦ୍ରା ମନ୍ତ୍ରୋ ମନ୍ତ୍ରୟିତା ସୁରଃ ॥୭୨
ରାଜେନ୍ଦ୍ରୋ ଭୂପତୀ ରୁଣ୍ଡମାଳୀ ସଂସାରସାରଥିଃ ।
ନିତ୍ୟସମ୍ପୂର୍ଣ୍ଣକାମଶ୍ଚ ଭକ୍ତକାମଧୁଗୁତ୍ତମଃ ॥୭୩
ଗଣପଃ କେଶବୋ ଭ୍ରାତା ପିତା ମାତା ଚ ମାରୁତିଃ ।
ସହସ୍ରମୂର୍ଦ୍ଧାନେକାସ୍ୟଃ ସହସ୍ରାକ୍ଷଃ ସହସ୍ରପାତ୍ ॥୭୪
କାମଜିତ୍ କାମଦହନଃ କାମଃ କାମଫଳପ୍ରଦଃ ।
ମୁଦ୍ରୋପହାରୀ ରକ୍ଷୋଘ୍ନଃ କ୍ଷିତିଭାରହରୋ ବଳଃ ॥୭୫
ନଖଦଂଷ୍ଟ୍ରାୟୁଧୋ ବିଷ୍ଣୁର୍ଭକ୍ତାଭୟବରପ୍ରଦଃ ।
ଦର୍ପହା ଦର୍ପଦୋ ଦଂଷ୍ଟ୍ରାଶତମୂର୍ତ୍ତିରମୂର୍ତ୍ତିମାନ୍ ॥୭୬
ମହାନିଧିର୍ମହାଭାଗୋ ମହାଭର୍ଗୋ ମହର୍ଧିଦଃ ।
ମହାକାରୋ ମହାଯୋଗୀ ମହାତେଜା ମହାଦ୍ୟୁତିଃ ॥୭୭
ମହାସନୋ ମହାନାଦୋ ମହାମନ୍ତ୍ରୋ ମହାମତିଃ ।
ମହାଗମୋ ମହୋଦାରୋ ମହାଦେବାତ୍ମକୋ ବିଭୁଃ ॥୭୮
ରୌଦ୍ରକର୍ମା କ୍ରୂରକର୍ମା ରତ୍ନନାଭଃ କୃତାଗମଃ ।
ଅମ୍ଭୋଧିଲଙ୍ଘନଃ ସିଂହଃ ସତ୍ୟଧର୍ମପ୍ରମୋଦନଃ ॥୭୯
ଜିତାମିତ୍ରୋ ଜୟଃ ସୋମୋ ବିଜୟୋ ବାୟୁନନ୍ଦନଃ ।
ଜୀବଦାତା ସହସ୍ରାଂଶୁର୍ମୁକୁନ୍ଦୋ ଭୂରିଦକ୍ଷିଣଃ ॥୮୦
ସିଦ୍ଧାର୍ଥଃ ସିଦ୍ଧିଦଃ ସିଦ୍ଧସଙ୍କଳ୍ପଃ ସିଦ୍ଧିହେତୁକଃ ।
ସପ୍ତପାତାଳଚରଣଃ ସପ୍ତର୍ଷିଗଣବନ୍ଦିତଃ ॥୮୧
ସପ୍ତାବ୍ଧିଲଙ୍ଘନୋ ବୀରଃ ସପ୍ତଦ୍ୱୀପୋରୁମଣ୍ଡଳଃ ।
ସପ୍ତାଙ୍ଗରାଜ୍ୟସୁଖଦଃ ସପ୍ତମାତୃନିଷେବିତଃ ॥୮୨
ସପ୍ତସ୍ବର୍ଲୋକମୁକୁଟଃ ସପ୍ତହୋତା ସ୍ୱରାଶ୍ରୟଃ ।
ସପ୍ତଚ୍ଛନ୍ଦୋନିଧିଃ ସପ୍ତଚ୍ଛନ୍ଦଃ ସପ୍ତଜନାଶ୍ରୟଃ ॥୮୩
ସପ୍ତସାମୋପଗୀତଶ୍ଚ ସପ୍ତପାତାଳସଂଶ୍ରୟଃ ।
ମେଧାଦଃ କୀର୍ତ୍ତିଦଃ ଶୋକହାରୀ ଦୌର୍ଭାଗ୍ୟନାଶନଃ ॥୮୪
ସର୍ବରକ୍ଷାକରୋ ଗର୍ଭଦୋଷହା ପୁତ୍ରପୌତ୍ରଦଃ ।
ପ୍ରତିବାଦିମୁଖସ୍ତମ୍ଭୋ ରୁଷ୍ଟଚିତ୍ତପ୍ରସାଦନଃ ॥୮୫
ପରାଭିଚାରଶମନୋ ଦୁଃଖହା ବନ୍ଧମୋକ୍ଷଦଃ ।
ନବଦ୍ୱାରପୁରାଧାରୋ ନବଦ୍ୱାରନିକେତନଃ ॥୮୬
ନରନାରାୟଣସ୍ତୁତ୍ୟୋ ନବନାଥମହେଶ୍ୱରଃ ।
ମେଖଳୀ କବଚୀ ଖଡ୍ଗୀ ଭ୍ରାଜିଷ୍ଣୁର୍ଜିଷ୍ଣୁସାରଥିଃ॥୮୭
ବହୁଯୋଜନବିସ୍ତୀର୍ଣ୍ଣପୁଚ୍ଛଃ ପୁଚ୍ଛହତାସୁରଃ ।
ଦୁଷ୍ଟଗ୍ରହନିହନ୍ତା ଚ ପିଶାଚଗ୍ରହଘାତକଃ ॥୮୮
ବାଳଗ୍ରହବିନାଶୀ ଚ ଧର୍ମନେତା କୃପାକରଃ ।
ଉଗ୍ରକୃତ୍ୟଶ୍ଚୋଗ୍ରବେଗ ଉଗ୍ରନେତ୍ରଃ ଶତକ୍ରତୁଃ ॥୮୯
ଶତମନ୍ୟୁନୁତଃ ସ୍ତୁତ୍ୟଃ ସ୍ତୁତିଃ ସ୍ତୋତା ମହାବଳଃ ।
ସମଗ୍ରଗୁଣଶାଳୀ ଚ ବ୍ୟଗ୍ରୋ ରକ୍ଷୋବିନାଶକଃ ॥୯୦
ରକ୍ଷୋଽଗ୍ନିଦାବୋ ବ୍ରହ୍ମେଶଃ ଶ୍ରୀଧରୋ ଭକ୍ତବତ୍ସଳଃ ।
ମେଘନାଦୋ ମେଘରୂପୋ ମେଘବୃଷ୍ଟିନିବାରକଃ ॥୯୧
ମେଘଜୀବନହେତୁଶ୍ଚ ମେଘଶ୍ୟାମଃ ପରାତ୍ମକଃ ।
ସମୀରତନୟୋ ଯୋଦ୍ଧା ନୃତ୍ୟବିଦ୍ୟାବିଶାରଦଃ ॥୯୨
ଅମୋଘୋଽମୋଘଦୃଷ୍ଟିଶ୍ଚ ଇଷ୍ଟଦୋଽରିଷ୍ଟନାଶନଃ ।
ଅର୍ଥୋଽନର୍ଥାପହାରୀ ଚ ସମର୍ଥୋ ରାମସେବକଃ ॥୯୩
ଅର୍ଥୀବନ୍ଦ୍ୟୋଽସୁରାରାତିଃ ପୁଣ୍ଡରୀକାକ୍ଷ ଆତ୍ମଭୂଃ ।
ସଙ୍କର୍ଷଣୋ ବିଶୁଦ୍ଧାତ୍ମା ବିଦ୍ୟାରାଶିଃ ସୁରେଶ୍ୱରଃ ॥୯୪
ଅଚଲୋଦ୍ଧାରକୋ ନିତ୍ୟଃ ସେତୁକୃଦ୍ ରାମସାରଥିଃ ।
ଆନନ୍ଦଃ ପରମାନନ୍ଦୋ ମତ୍ସ୍ୟଃ କୂର୍ମୋ ନିରାଶ୍ରୟଃ ॥୯୫
ବରାହୋ ନାରସିଂହଶ୍ଚ ବାମନୋ ଜମଦଗ୍ନିଜଃ ।
ରାମଃ କୃଷ୍ଣଃ ଶିବୋ ବୁଦ୍ଧଃ କଳ୍କୀ ରାମାଶ୍ରୟୋ ହରିଃ ॥୯୬
ନନ୍ଦୀ ଭୃଙ୍ଗୀ ଚ ଚଣ୍ଡୀ ଚ ଗଣେଶୋ ଗଣସେବିତଃ ।
କର୍ମାଧ୍ୟକ୍ଷଃ ସୁରାରାମୋ ବିଶ୍ରାମୋ ଜଗତୀପତିଃ ॥୯୭
ଜଗନ୍ନାଥଃ କପୀଶଶ୍ଚ ସର୍ବାବାସଃ ସଦାଶ୍ରୟଃ ।
ସୁଗ୍ରୀବାଦିସ୍ତୁତୋ ଦାନ୍ତଃ ସର୍ବକର୍ମା ପ୍ଲବଙ୍ଗମଃ ॥୯୮
ନଖଦାରିତରକ୍ଷାଶ୍ଚ ନଖଯୁଦ୍ଧବିଶାରଦଃ ।
କୁଶଳଃ ସୁଧନଃ ଶେଷୋ ବାସୁକିସ୍ତକ୍ଷକସ୍ତଥା ॥୯୯
ସ୍ୱର୍ଣ୍ଣବର୍ଣ୍ଣୋ ବଳାଢ୍ୟଶ୍ଚ ପୁରୁଜେତାଽଘନାଶନଃ ।
କୈବଲ୍ୟରୂପଃ କୈବଲ୍ୟୋ ଗରୁଡଃ ପନ୍ନଗୋରଗଃ ॥୧୦୦
କିଳ୍'କିଳ୍'ରାବ-ହତାରାତି-ର୍ଗର୍ବ ପର୍ବତଭେଦନଃ ।
ବଜ୍ରାଙ୍ଗୋ ବଜ୍ରଦଂଷ୍ଟ୍ରଶ୍ଚ ଭକ୍ତବଜ୍ରନିବାରକଃ ॥୧୦୧
ନଖାୟୁଧୋ ମଣିଗ୍ରୀବୋ ଜ୍ୱାଲାମାଳୀ ଚ ଭାସ୍କରଃ ।
ପ୍ରୌଢପ୍ରତାପସ୍ତପନୋ ଭକ୍ତତାପନିବାରକଃ ॥୧୦୨
ଶରଣଂ ଜୀବନଂ ଭୋକ୍ତା ନାନାଚେଷ୍ଟୋ ହ୍ୟଚଞ୍ଚଳଃ ।
ସ୍ବସ୍ତିମାନ୍ ସ୍ବସ୍ତିଦୋ ଦୁଃଖଶାତନଃ ପବନାତ୍ମଜଃ ॥୧୦୩
ପାବନଃ ପବନଃ କାନ୍ତୋ ଭକ୍ତାଗଃସହନୋ ବଳୀ ।
ମେଘନାଦରିପୁର୍ମେଘ-ନାଦସଂହତରାକ୍ଷସଃ ॥୧୦୪
କ୍ଷରୋଽକ୍ଷରୋ ବିନୀତାତ୍ମା ବାନରେଶଃ ସତାଂ ଗତିଃ ।
ଶ୍ରୀକଣ୍ଠଃ ଶିତିକଣ୍ଠଶ୍ଚ ସହାୟଃ ସହନାୟକଃ ॥୧୦୫
ଅସ୍ଥୂଳସ୍ତ୍ୱନଣୁର୍ଭର୍ଗୋ ଦିବ୍ୟଃ ସଂସୃତିନାଶନଃ ।
ଅଧ୍ୟାତ୍ମବିଦ୍ୟାସାରଶ୍ଚ ହ୍ୟଧ୍ୟାତ୍ମକୁଶଳଃ ସୁଧୀଃ ॥୧୦୬
ଅକଳ୍ମଷଃ ସତ୍ୟହେତୁଃ ସତ୍ୟଦଃ ସତ୍ୟଗୋଚରଃ ।
ସତ୍ୟଗର୍ଭଃ ସତ୍ୟରୂପଃ ସତ୍ୟଃ ସତ୍ୟପରାକ୍ରମଃ ॥୧୦୭
ଅଞ୍ଜନାପ୍ରାଣଲିଙ୍ଗଶ୍ଚ ବାୟୁବଂଶୋଦ୍ଭବଃ ଶୁଭଃ ।
ଭଦ୍ରରୂପୋ ରୁଦ୍ରରୂପଃ ସୁରୂପଶ୍ଚିତ୍ରରୂପଧୃକ୍ ॥୧୦୮
ମୈନାକବନ୍ଦିତଃ ସୂକ୍ଷ୍ମଦର୍ଶନୋ ବିଜୟୋ ଜୟଃ ।
କ୍ରାନ୍ତଦିଙ୍'ମଣ୍ଡଳୋ ରୁଦ୍ରଃ ପ୍ରକଟୀକୃତବିକ୍ରମଃ ॥୧୦୯
କମ୍ବୁକଣ୍ଠଃ ପ୍ରସନ୍ନାତ୍ମା ହ୍ରସ୍ୱନାସୋ ବୃକୋଦରଃ ।
ଲମ୍ବୌଷ୍ଠଃ କୁଣ୍ଡଳୀ ଚିତ୍ରମାଳୀ ଯୋଗବିଦାଂ ବରଃ ॥୧୧୦
ବିପଶ୍ଚିତ୍ କବିରାନନ୍ଦ-ବିଗ୍ରହୋଽନଳ୍ପଶାସନଃ ।
ଫାଲ୍ଗୁନୀସୂନୁରବ୍ୟଗ୍ରୋ ଯୋଗାତ୍ମା ଯୋଗତତ୍ପରଃ ॥୧୧୧
ଯୋଗବିଦ୍ ଯୋଗକର୍ତ୍ତା ଚ ଯୋଗଯୋନିର୍ଦିଗମ୍ବରଃ ।
ଅକାରାଦିକ୍ଷକାରାନ୍ତ-ବର୍ଣ୍ଣନିର୍ମିତବିଗ୍ରହଃ ॥୧୧୨
ଉଲୂଖଲମୁଖଃ ସିଦ୍ଧସଂସ୍ତୁତଃ ପ୍ରମଥେଶ୍ୱରଃ ।
ଶ୍ଲିଷ୍ଟଜଙ୍ଘଃ ଶ୍ଲିଷ୍ଟଜାନୁଃ ଶ୍ଲିଷ୍ଟପାଣିଃ ଶିଖାଧରଃ ॥୧୧୩
ସୁଶର୍ମାମିତଶର୍ମା ଚ ନାରାୟଣପରାୟଣଃ ।
ଜିଷ୍ଣୁର୍ଭବିଷ୍ଣୂ ରୋଚିଷ୍ଣୁ-ର୍ଗ୍ରସିଷ୍ଣୁଃ ସ୍ଥାଣୁରେବ ଚ ॥୧୧୪
ହରିରୁଦ୍ରାନୁସେକୋଽଥ କମ୍ପନୋ ଭୂମିକମ୍ପନଃ ।
ଗୁଣପ୍ରବାହଃ ସୂତ୍ରାତ୍ମା ବୀତରାଗସ୍ତୁତିପ୍ରିୟଃ ॥୧୧୫
ନାଗକନ୍ୟାଭୟଧ୍ୱଂସୀ ରୁକ୍ମପୂର୍ଣ୍ଣଃ କପାଳଭୃତ୍ ।
ଅନୁକୂଳୋ ଭବୋପାୟୋଽନପାୟୋ ବେଦପାରଗଃ ॥୧୧୬
ଅକ୍ଷରଃ ପୁରୁଷୋ ଲୋକନାଥ ଋକ୍ଷପ୍ରଭୁର୍ଦୃଢଃ ।
ଅଷ୍ଟାଙ୍ଗଯୋଗଫଳଭୁକ୍ ସତ୍ୟସନ୍ଧଃ ପୁରୁଷ୍ଟୁତଃ ॥୧୧୭
ଶ୍ମଶାନସ୍ଥାନନିଳୟଃ ପ୍ରେତବିଦ୍ରାବଣକ୍ଷମଃ ।
ପଞ୍ଚାକ୍ଷରପରଃ ପଞ୍ଚମାତୃକୋ ରଞ୍ଜନଧ୍ୱଜଃ ॥୧୧୮
ଯୋଗିନୀବୃନ୍ଦବନ୍ଦ୍ୟଶ୍ରୀଃ ଶତ୍ରୁଘ୍ନୋଽନନ୍ତବିକ୍ରମଃ ।
ବ୍ରହ୍ମଚାରୀନ୍ଦ୍ରିୟରିପୁ-ର୍ଧୃତଦଣ୍ଡୋ ଦଶାତ୍ମକଃ ॥୧୧୯
ଅପ୍ରପଞ୍ଚଃ ସଦାଚାରଃ ଶୂରସେନାବିଦାରକଃ ।
ବୃଦ୍ଧଃ ପ୍ରମୋଦ ଆନନ୍ଦଃ ସପ୍ତଦ୍ବିପପତିନ୍ଧରଃ ॥୧୨୦
ନବଦ୍ୱାରପୁରାଧାରଃ ପ୍ରତ୍ୟଗ୍ରଃ ସାମଗାୟକଃ ।
ଷଟ୍'ଚକ୍ରଧାମ ସ୍ୱର୍ଲୋକା-ଭୟକୃନ୍ମାନଦୋ ମଦଃ ॥୧୨୧
ସର୍ବବଶ୍ୟକରଃ ଶକ୍ତିରନନ୍ତୋଽନନ୍ତମଙ୍ଗଳଃ ।
ଅଷ୍ଟମୂର୍ତ୍ତିର୍ନୟୋପେତୋ ବିରୂପଃ ସୁରସୁନ୍ଦରଃ ॥୧୨୨
ଧୂମକେତୁର୍ମହାକେତୁଃ ସତ୍ୟକେତୁର୍ମହାରଥଃ ।
ନନ୍ଦୀପ୍ରିୟଃ ସ୍ୱତନ୍ତ୍ରଶ୍ଚ ମେଖଳୀ ଡମରୁପ୍ରିୟଃ ॥୧୨୩
ଲୌହାଙ୍ଗଃ ସର୍ବବିଦ୍ଧନ୍ବୀ ଖଣ୍ଡଳଃ ଶର୍ବ ଈଶ୍ୱରଃ ।
ଫଳଭୁକ୍ ଫଳହସ୍ତଶ୍ଚ ସର୍ବକର୍ମଫଳପ୍ରଦଃ ॥୧୨୪
ଧର୍ମାଧ୍ୟକ୍ଷୋ ଧର୍ମପାଳୋ ଧର୍ମୋ ଧର୍ମପ୍ରଦୋଽର୍ଥଦଃ ।
ପଞ୍ଚବିଂଶତିତତ୍ତ୍ୱଜ୍ଞ-ସ୍ତାରକୋ ବ୍ରହ୍ମତତ୍ପରଃ ॥୧୨୫
ତ୍ରିମାର୍ଗବସତିର୍ଭୀମଃ ସର୍ବଦୁଷ୍ଟନିବର୍ହଣଃ ।
ଊର୍ଜଃସ୍ୱାନ୍ ନିଷ୍କଳଃ ଶୂଳୀ ମୌଳିର୍ଗର୍ଜନ୍ନିଶାଚରଃ ॥୧୨୬
ରକ୍ତାମ୍ବରଧରୋ ରକ୍ତୋ ରକ୍ତମାଲ୍ୟୋ ବିଭୂଷଣଃ ।
ବନମାଳୀ ଶୁଭାଙ୍ଗଶ୍ଚ ଶ୍ୱେତଃ ଶ୍ୱେତାମ୍ବରୋ ଯୁବା ॥୧୨୭
ଜୟୋଽଜୟପରୀବାରଃ ସହସ୍ରବଦନଃ କପିଃ ।
ଶାକିନୀଡାକିନୀଯକ୍ଷ-ରକ୍ଷୋଭୂତପ୍ରଭଞ୍ଜକଃ ॥୧୨୮
ସଦ୍ୟୋଜାତଃ କାମଗତିର୍ଜ୍ଞାନମୂର୍ତ୍ତିର୍ଯଶସ୍କରଃ ।
ଶମ୍ଭୁତେଜାଃ ସାର୍ବଭୌମୋ ବିଷ୍ଣୁଭକ୍ତଃ ପ୍ଲବଙ୍ଗମଃ ॥୧୨୯
ଚତୁର୍ନବତିମନ୍ତ୍ରଜ୍ଞଃ ପୌଲସ୍ତ୍ୟବଳଦର୍ପହା ।
ସର୍ବଲକ୍ଷ୍ମୀପ୍ରଦଃ ଶ୍ରୀମାନଙ୍ଗଦପ୍ରିୟ ଈଡିତଃ ॥୧୩୦
ସ୍ମୃତିବୀଜଂ ସୁରେଶାନଃ ସଂସାରଭୟନାଶନଃ ।
ଉତ୍ତମଃ ଶ୍ରୀପରୀବାରଃ ଶ୍ରିତୋ ରୁଦ୍ରଶ୍ଚ କାମଧୁକ୍ ॥୧୩୧
*ଶ୍ରୀବାଲ୍ମୀକିରୁବାଚ ----*
ଇତି ନାମ୍ନାଂ ସହସ୍ରେଣ ସ୍ତୁତୋ ରାମେଣ ବାୟୁଭୂଃ ।
ଉବାଚ ତଂ ପ୍ରସନ୍ନାତ୍ମା ସନ୍ଧାୟାତ୍ମାନମବ୍ୟୟମ୍ ॥୧୩୨
*ଶ୍ରୀହନୁମାନୁବାଚ ----*
ଧ୍ୟାନାସ୍ପଦମିଦଂ ବ୍ରହ୍ମ ମତ୍ପୁରଃ ସମୁପସ୍ଥିତମ୍ ।
ସ୍ୱାମିନ୍ କୃପାନିଧେ ରାମ ଜ୍ଞାତୋଽସି କପିନା ମୟା ॥୧୩୩
ତ୍ୱଦ୍ଧ୍ୟାନନିରତା ଲୋକାଃ କିଂ ନ ପଶ୍ୟନ୍ତି ସାଦରମ୍ ।
ତବାଗମନହେତୁଶ୍ଚ ଜ୍ଞାତୋ ହ୍ୟତ୍ର ମୟାନଘ ॥୧୩୪
କର୍ତ୍ତବ୍ୟଂ ମମ କିଂ ରାମ ତଥା ତ୍ୱଂ ବ୍ରୂହି ରାଘବ ।
ଇତି ପ୍ରଚୋଦିତୋ ରାମଃ ପ୍ରହୃଷ୍ଟାତ୍ମା ତମବ୍ରବୀତ୍ ॥୧୩୫
*ଶ୍ରୀରାମ ଉବାଚ ----*
ଦୁର୍ଜୟଃ ଖଳୁ ବୈଦେହୀଂ ଗୃହୀତ୍ୱା କୋଽପି ନିର୍ଗତଃ ।
ହତ୍ୱା ତଂ ନିର୍ଗୁଣଂ ବୀରମାନୟ ତ୍ୱଂ କପୀଶ୍ୱର ॥୧୩୬
ମମ ଦାସ୍ୟଂ କୁରୁ ସଖେ ଭବ ବିଶ୍ୱାସକାରକଃ ।
ତଥା କୃତେ ତ୍ୱୟା ବୀର ମମ କାର୍ଯ୍ୟଂ ଭବିଷ୍ୟତି ॥୧୩୭
ଓମିତ୍ୟାଜ୍ଞାଂ ତୁ ଶିରସା ଗୃହୀତ୍ୱା ସ କପୀଶ୍ୱରଃ ।
ବିଧେୟଂ ବିଧିବତ୍ତଚ୍ଚ ଚକାର ଶିରସା ସ୍ୱୟମ୍ ॥୧୩୮
*ଶ୍ରୀବାଲ୍ମୀକିରୁବାଚ ----*
ଇଦଂ ନାମ୍ନାଂ ସହସ୍ରଂ ତୁ ଯୋଽଧୀତେ ପ୍ରତ୍ୟହଂ ନରଃ ।
ଦୁଃଖୌଘୋ ନଶ୍ୟତେ ତସ୍ୟ ସମ୍ପତ୍ତିର୍ବର୍ଦ୍ଧତେ ଚିରମ୍ ॥୧୩୯
ବଶ୍ୟଂ ଚତୁର୍ବିଧଂ ତସ୍ୟ ଭବତ୍ୟେବ ନ ସଂଶୟଃ ।
ରାଜାନୋ ରାଜପୁତ୍ରାଶ୍ଚ ରାଜକୀୟାଶ୍ଚ ମନ୍ତ୍ରିଣଃ ॥୧୪୦
ଅଶ୍ୱତ୍ଥମୂଳେ ଜପତାଂ ନାସ୍ତି ବୈରିକୃତଂ ଭୟମ୍ ।
ତ୍ରିକାଳପଠନାତ୍ତସ୍ୟ ସିଦ୍ଧିଃ ସ୍ୟାତ୍ କରସଂସ୍ଥିତା ॥୧୪୧
ବ୍ରାହ୍ମେ ମୁହୂର୍ତ୍ତେ ଚୋତ୍ଥାୟ ପ୍ରତ୍ୟହଂ ଯୋ ପଠେନ୍ନରଃ ।
ଐହିକାମୁଷ୍ମିକୀଂ ଚୈବ ଲଭତେ ଋଦ୍ଧିମୁତ୍ତମାମ୍ ॥୧୪୨
ସଙ୍ଗ୍ରାମେ ସଂନିବିଷ୍ଟାନାଂ ବୈରିବିଦ୍ରାବଣଂ ପରମ୍ ।
ଜ୍ୱରାପସ୍ମାରଶମନଂ ଗୁଳ୍ମାଦୀନାଂ ନିବାରଣମ୍ ॥୧୪୩
ସାମ୍ରାଜ୍ୟସୁଖସମ୍ପତ୍ତି-ଦାୟକଂ ପଠନାନ୍ନୃଣାମ୍ ।
ସ୍ୱର୍ଗଂ ମୋକ୍ଷଂ ସମାପ୍ନୋତି ରାମଚନ୍ଦ୍ରପ୍ରସାଦତଃ ॥୧୪୪
ଯ ଇଦଂ ପଠତେ ନିତ୍ୟଂ ଶ୍ରାବୟେଦ୍ୱା ସମାହିତଃ ।
ସର୍ବାନ୍ କାମାନବାପ୍ନୋତି ବାୟୁପୁତ୍ରପ୍ରସାଦତଃ ॥୧୪୫
_॥ ଇତି ଶ୍ରୀ ରାମକୃତଂ ହନୁମତ୍ସହସ୍ରନାମସ୍ତୋତ୍ରଂ ସମ୍ପୂର୍ଣ୍ଣମ୍ ॥_