#କଙ୍କାଳମାଳିନୀତନ୍ତ୍ରେ
#ଦେବ୍ୟୁବାଚ ॥
ଭୂତନାଥ ! ମହାଦେବ ! କବଚଂ ତସ୍ୟ ମେ ବଦ ।
ଗୁରୁଦେବସ୍ୟ ଦେବେଶ ! ସାକ୍ଷାଦ୍ବ୍ରହ୍ମସ୍ୱରୂପିଣଃ ॥ ୧॥
#ଈଶ୍ୱର ଉବାଚ ॥
ଅଥା ତେ କଥୟାମୀଶେ !କବଚଂ ମୋକ୍ଷଦାୟକମ୍ ।
ଯସ୍ୟ ଜ୍ଞାନଂ ବିନା ଦେବି ! ନ ସିଦ୍ଧିର୍ନ ଚ ସଦ୍ଗତିଃ ॥ ୨॥
ବ୍ରହ୍ମାଦୟୋଽପି ଗିରିଜେ ! ସର୍ୱତ୍ର ଜୟିନଃ ସ୍ମୃତାଃ ।
ଅସ୍ୟ ପ୍ରସାଦାତ୍ ସକଲା ବେଦାଗମପୁରଃସରାଃ ॥ ୩॥
କବଚସ୍ୟାସ୍ୟ ଦେବେଶି ! ଋଷିର୍ୱିଷ୍ଣୁରୁଦାହୃତଃ ।
ଛନ୍ଦୋ ବିରାଟ୍ ଦେବତା ଚ ଗୁରୁଦେବଃ ସ୍ୱୟଂ ଶିବଃ ॥ ୪॥
ଚତୁର୍ୱର୍ଗେ ଜ୍ଞାନମାର୍ଗେ ବିନିୟୋଗଃ ପ୍ରକୀର୍ତ୍ତିତଃ ।
ସହସ୍ରାରେ ମହାପଦ୍ମେ କର୍ପୂରଧବଳୋ ଗୁରୁଃ ॥ ୫॥
ବାମୋରୁସ୍ଥିତଶକ୍ତିର୍ୟଃ ସର୍ୱତ୍ର ପରିରକ୍ଷତୁ ।
ପରମାଖ୍ୟୋ ଗୁରୁଃ ପାତୁ ଶିରସଂ ମମ ବଲ୍ଲଭେ ! ॥ ୬॥
ପରାପରାଖ୍ୟୋ ନାସାଂ ମେ ପରମେଷ୍ଠୀ ମୁଖଂ ସଦା ।
କଣ୍ଠଂ ମମ ସଦା ପାତୁ ପ୍ରହ୍ଲାଦାନନ୍ଦନାଥକଃ ॥ ୭॥
ବାହୂ ଦ୍ୱୌ ସନକାନନ୍ଦଃ କୁମାରାନନ୍ଦ ଏବ ଚ ।
ବଶିଷ୍ଠାନନ୍ଦନାଥଶ୍ଚ ହୃଦୟଂ ପାତୁ ସର୍ୱଦା ॥ ୮॥
କ୍ରୋଧାନନ୍ଦଃ କଟିଂ ପାତୁ ସୁଖାନନ୍ଦଃ ପଦଂ ମମ ।
ଧ୍ୟାନାନନ୍ଦଶ୍ଚ ସର୍ୱାଙ୍ଗଂ ବୋଧାନନ୍ଦଶ୍ଚ କାନନେ ॥ ୯॥
ସର୍ୱତ୍ର ଗୁରବଃ ପାନ୍ତୁ ସର୍ୱେ ଈଶ୍ୱରରୂପିଣଃ ।
ଇତି ତେ କଥିତଂ ଭଦ୍ରେ ! କବଚଂ ପରମଂ ଶିବେ ! ॥ ୧୦॥
ଭକ୍ତିହୀନେ ଦୁରାଚାରେ ଦତ୍ତ୍ୱୈତନ୍ମୃତ୍ୟୁମାପ୍ନୁୟାତ୍ ॥
ଅସ୍ୟୈବ ପଠନାଦ୍ଦେବି ! ଧାରଣାତ୍ଛ୍ରବଣାତ୍ ପ୍ରିୟେ ! ॥ ୧୧॥
ଜାୟତେ ମନ୍ତ୍ରସିଦ୍ଧିଶ୍ଚ କିମନ୍ୟତ୍ କଥୟାମି ତେ ।
କଣ୍ଠେ ବା ଦକ୍ଷିଣେ ବାହୌ ଶିଖାୟାଂ ବୀରବନ୍ଦିତେ ! ॥ ୧୨॥
ଧାରଣାନ୍ନାଶୟେତ୍ ପାପଂ ଗଙ୍ଗାୟାଂ କଳ୍ମଷଂ ଯଥା ।
ଇଦଂ କବଚମଜ୍ଞାତ୍ୱା ଯଦି ମନ୍ତ୍ରଂ ଜପେତ୍ ପ୍ରିୟେ ! ॥ ୧୩॥
ତତ୍ ସର୍ୱଂ ନିଷ୍ଫଳଂ କୃତ୍ୱା ଗୁରୁର୍ୟାତି ସୁନିଶ୍ଚିତମ୍ ।
ଶିବେ ରୁଷ୍ଟେ ଗୁରୁସ୍ତ୍ରାତା ଗୁରୌ ରୁଷ୍ଟେ ନ କଶ୍ଚନ ॥ ୧୪॥
॥ ଇତି #କଙ୍କାଳମାଳିନୀତନ୍ତ୍ରେ ଗୁରୁକବଚମ୍ ସମାପ୍ତମ୍ ॥