------------------------------------------------
🕉‼️ଶ୍ରୀଜଗନ୍ନାଥ ସହସ୍ରନାମସ୍ତୋତ୍ରମ୍ ‼️🕉
*********************************
॥ ଓଁ ଶ୍ରୀଜଗନ୍ନାଥାୟ ନମୋ ନମଃ ॥ ॥ ପ୍ରାର୍ଥନା ॥
ଦେବ-ଦାନବ-ଗନ୍ଧର୍ବ-ଯକ୍ଷ-ବିଦ୍ୟାଧରୋରଗୈଃ ।
ସେବ୍ୟମାନଂ ସଦା ଚାରୁକୋଟି ସୂର୍ଯ୍ୟ ସମପ୍ରଭମ୍ ॥ ୧॥
ଧ୍ୟାୟେନ୍ନାରାୟଣଂ ଦେବଂ ଚତୁର୍ବର୍ଗ ଫଳପ୍ରଦମ୍ ।
ଜୟ କୃଷ୍ଣ ଜଗନ୍ନାଥ ଜୟ ସର୍ବାଧିନାୟକମ୍ ॥ ୨॥
ଜୟାଶେଷ ଜଗଦ୍ୱନ୍ଦ୍ୟ ପାଦାମ୍ଭୋଜ ନମୋଽସ୍ତୁ ତେ ॥ ୩॥
ଯୁଧିଷ୍ଠିର ଉବାଚ I
ଯସ୍ୟ ପ୍ରସାଦାତ୍ତୁ ସର୍ଵମ୍ ଯସ୍ତୁ ବିଷ୍ଣୁପରାୟଣଃ ।
ଯସ୍ତୁ ଧାତା ବିଧାତା ଚ ଯଶ୍ଚ ସତ୍ୟଂ ପରୋ ଭବେତ୍ ॥ ୧॥
ଯସ୍ୟ ମାୟାମୟଂ ଜାଲଂ ତ୍ରୈଲୋକ୍ୟଂ ସଚରାଚରମ୍ ।
ମର୍ତ୍ୟାଂଶ୍ଚ ମୃଗତୃଷ୍ଣାୟାଂ ଭ୍ରାମୟତ୍ୟପି କେବଲମ୍ ॥ ୨॥
ନମାମ୍ୟହଂ ଜଗତପ୍ରୀତ୍ୟା ନାମାନି ଚ ଜଗତ୍ପତିମ୍।
ବୃହତ୍ୟା କଥିତଂ ଯଚ୍ଚ ତନ୍ମେ କଥୟ ସାମ୍ପ୍ରତମ୍ ॥ ୩॥
ଭୀଷ୍ମ ଉବାଚ I
ଯୁଧିଷ୍ଠିର ମହାବାହୋ କଥୟାମି ଶୃଣୁଷ୍ୱ ମେ ।
ଜଗନ୍ନାଥସ୍ୟ ନାମାନି ପବିତ୍ରାଣି ଶୁଭାନି ଚ ॥ ୧॥
ମାୟଯା ଯସ୍ୟ ସଂସାରୋ ବ୍ୟାପୃତଃ ସଚରାଚରଃ ।
ଯସ୍ୟ ପ୍ରସାଦାଦ୍ବ୍ରହ୍ମାଣଂ ସୃଷ୍ଟ୍ୱା ପାତି ଚ ସର୍ୱଦା ॥ ୨॥
ବ୍ରହ୍ମାଦିଦଶଦିକ୍ପାଲାନ୍ ମାୟାବିମୋହିତାନ୍ ଖଲୁ ।
ଯସ୍ୟ ଚେଷ୍ଟାବରୋହଶ୍ଚ ବ୍ରହ୍ମାଣ୍ଡଖଣ୍ଡଗୋଚରଃ ॥ ୩॥
ଦୟା ବା ମମତା ଯସ୍ୟ ସର୍ୱଭୂତେଷୁ ସର୍ୱଗଃ ।
ସତ୍ୟଧର୍ମବିଭୂଷସ୍ୟ ଜଗନ୍ନାଥସ୍ୟ ସର୍ୱତଃ ॥ ୪॥
କଥୟାମି ସହସ୍ରାଣି ନାମାନି ତବ ଚାନଘ ॥ ୫॥
II ଅଥ ଶ୍ରୀଜଗନ୍ନାଥସ୍ୟ ସହସ୍ରନାମସ୍ତୋତ୍ରମ୍ II
ଅଥ ବିନିୟୋଗଃ । ଅସ୍ୟ ମାତୃକା ମନ୍ତ୍ରସ୍ୟ, ବେଦବ୍ୟାସୋ ଋଷିଃ, ଅନୁଷ୍ଟୁପ୍ଛନ୍ଦଃ, ଶ୍ରୀଜଗନ୍ନାଥୋ ଦେବତା, ଭଗବତଃ ଶ୍ରୀଜଗନ୍ନାଥସ୍ୟ ପ୍ରୀତ୍ୟର୍ଥେ ସହସ୍ରନାମ ପଠନେ ବିନିୟୋଗଃ II
II ଧ୍ୟାନମ୍ II
ନୀଲାଦ୍ରୌ ଶଙ୍ଖମଧ୍ୟେ ଶତଦଲକମଲେ ରତ୍ନସିଂହାସନସ୍ଥଂ,
ସର୍ବାଲଙ୍କାରୟୁକ୍ତଂ ନବଘନରୁଚିରଂ ସଂଯୁତଂ ଚାଗ୍ରଜେନ ।
ଭଦ୍ରାୟା ବାମଭାଗେ ରଥଚରଣଯୁତଂ ବ୍ରହ୍ମରୁଦ୍ରେନ୍ଦ୍ରବନ୍ଦ୍ୟଂ,
ବେଦାନାଂ ସାରମୀଶଂ ସ୍ୱଜନପରିବୃତଂ ବ୍ରହ୍ମଦାରୁ ସ୍ମରାମି ॥
ଶ୍ରୀଭଗବାନୁବାଚ
ଚତୁର୍ଭୁଜୋ ଜଗନ୍ନାଥଃ କଣ୍ଠଶୋଭିତକୌସ୍ତୁଭଃ ।
ପଦ୍ମନାଭୋ ବେଦଗର୍ଭଶ୍ଚନ୍ଦ୍ରସୂର୍ୟବିଲୋଚନଃ ॥ ୧॥
ଜଗନ୍ନାଥୋ ଲୋକନାଥୋ ନୀଲାଦ୍ରୀଶଃ ପରୋ ହରିଃ ।
ଦୀନବନ୍ଧୁର୍ଦୟାସିନ୍ଧୁଃ କୃପାଲୁଃ ଜନରକ୍ଷକଃ ॥ ୨॥
କମ୍ବୁପାଣିଃ ଚକ୍ରପାଣିଃ ପଦ୍ମନାଭୋ ନରୋତ୍ତମଃ ।
ଜଗତାଂ ପାଲକୋ ବ୍ୟାପୀ ସର୍ୱବ୍ୟାପୀ ସୁରେଶ୍ୱରଃ ॥ ୩॥
ଲୋକରାଜୋ ଦେବରାଜଃ ଶକ୍ରୋ ଭୂପଶ୍ଚ ଭୂପତିଃ ।
ନୀଲାଦ୍ରିପତିନାଥଶ୍ଚ ଅନନ୍ତଃ ପୁରୁଷୋତ୍ତମଃ ॥ ୪॥
ତାର୍କ୍ଷ୍ୟୋଧ୍ୟାୟଃ କଲ୍ପତରୁଃ ବିମଲାପ୍ରୀତିବର୍ଦ୍ଧନଃ ।
ବଲଭଦ୍ରୋ ବାସୁଦେବୋ ମାଧବୋ ମଧୁସୂଦନଃ ॥ ୫॥
ଦୈତ୍ୟାରିଃ ପୁଣ୍ଡରୀକାକ୍ଷୋ ବନମାଲୀ ବଲପ୍ରିୟଃ ।
ବ୍ରହ୍ମା ବିଷ୍ଣୁଃ ବୃଷ୍ଣିବଂଶୋ ମୁରାରିଃ କୃଷ୍ଣକେଶବଃ ॥ ୬॥
ଶ୍ରୀରାମଃ ସଚ୍ଚିଦାନନ୍ଦୋ ଗୋବିନ୍ଦଃ ପରମେଶ୍ୱରଃ ।
ବିଷ୍ଣୁର୍ଜିଷ୍ଣୁର୍ମହାବିଷ୍ଣୁଃ ପ୍ରଭବିଷ୍ଣୁର୍ମହେଶ୍ୱରଃ ॥ ୭॥
ଲୋକକର୍ତା ଜଗନ୍ନାଥୋ ମହାକର୍ତା ମହାୟଶାଃ ।
ମହର୍ଷିଃ କପିଲାଚାର୍ୟୋ ଲୋକଚାରୀ ସୁରୋ ହରିଃ ॥ ୮॥
ଆତ୍ମା ଚ ଜୀବପାଲଶ୍ଚ ଶୂରଃ ସଂସାରପାଲକଃ ।
ଏକୋନୈକୋ ରମାପ୍ରିୟୋ ବ୍ରହ୍ମବାଦୀ ମହେଶ୍ୱରଃ ॥ ୯॥
ଦ୍ୱିଭୁଜଶ୍ଚ ଚତୁର୍ବାହୁଃ ଶତବାହୁଃ ସହସ୍ରକଃ ।
ପଦ୍ମପତ୍ରବିଶାଲାକ୍ଷଃ ପଦ୍ମଗର୍ଭଃ ପରୋ ହରିଃ ॥ ୧୦॥
ପଦ୍ମହସ୍ତୋ ଦେବପାଲୋ ଦୈତ୍ୟାରିର୍ଦୈତ୍ୟନାଶନଃ ।
ଚତୁର୍ମୂର୍ତିଶ୍ଚତୁର୍ବାହୁଶ୍ଚତୁରାନନସେବିତଃ ॥ ୧୧॥
ପଦ୍ମହସ୍ତଶ୍ଚକ୍ରପାଣିଃ ଶଙ୍ଖହସ୍ତୋ ଗଦାଧରଃ ।
ମହାବୈକୁଣ୍ଠବାସୀ ଚ ଲକ୍ଷ୍ମୀପ୍ରୀତିକରଃ ସଦା ॥ ୧୨॥
ବିଶ୍ୱନାଥଃ ପ୍ରୀତିଦଶ୍ଚ ସର୍ୱଦେବପ୍ରିୟଂକରଃ ।
ବିଶ୍ୱବ୍ୟାପୀ ଦାରୁରୂପଶ୍ଚନ୍ଦ୍ରସୂର୍ୟବିଲୋଚନଃ ॥ ୧୩॥
ଗୁପ୍ତଗଙ୍ଗୋପଲବ୍ଧିଶ୍ଚ ତୁଲସୀପ୍ରୀତିବର୍ଦ୍ଧନଃ ।
ଜଗଦୀଶଃ ଶ୍ରୀନିବାସଃ ଶ୍ରୀପତିଃ ଶ୍ରୀଗଦାଗ୍ରଜଃ ॥ ୧୪॥
ସରସ୍ୱତୀମୂଲାଧାରଃ ଶ୍ରୀବତ୍ସଃ ଶ୍ରୀଦୟାନିଧିଃ ।
ପ୍ରଜାପତିଃ ଭୃଗୁପତିର୍ଭାର୍ଗବୋ ନୀଲସୁନ୍ଦରଃ ॥ ୧୫॥
ଯୋଗମାୟାଗୁଣାରୂପୋ ଜଗଦ୍ୟୋନୀଶ୍ୱରୋ ହରିଃ ।
ଆଦିତ୍ୟଃ ପ୍ରଲୟୋଦ୍ଧାରୀ ଆଦୌ ସଂସାରପାଲକଃ ॥ ୧୬॥
କୃପାବିଷ୍ଟଃ ପଦ୍ମପାଣିରମୂର୍ତିର୍ଜଗଦାଶ୍ରୟଃ ।
ପଦ୍ମନାଭୋ ନିରାକାରଃ ନିର୍ଲିପ୍ତଃ ପୁରୁଷୋତ୍ତମଃ ॥ ୧୭॥
କୃପାକରଃ ଜଗଦ୍ୱ୍ୟାପୀ ଶ୍ରୀକରଃ ଶଙ୍ଖଶୋଭିତଃ ।
ସମୁଦ୍ରକୋଟିଗମ୍ଭୀରୋ ଦେବତାପ୍ରୀତିଦଃ ସଦା ॥ ୧୮॥
ସୁରପତିର୍ଭୂତପତିର୍ବ୍ରହ୍ମଚାରୀ ପୁରନ୍ଦରଃ ।
ଆକାଶବାୟୁମୂର୍ତିଶ୍ଚ ବ୍ରହ୍ମମୂର୍ତିର୍ଜଲେସ୍ଥିତଃ ॥ ୧୯॥
ବ୍ରହ୍ମା ବିଷ୍ଣୁର୍ଦୃଷ୍ଟିପାଲଃ ପରମୋଽମୃତଦାୟକଃ ।
ପରମାନନ୍ଦସମ୍ପୂର୍ଣଃ ପୁଣ୍ୟଦେବଃ ପରାୟଣଃ ॥ ୨୦॥
ଧନୀ ଚ ଧନଦାତା ଚ ଧନଗର୍ଭୋ ମହେଶ୍ୱରଃ ।
ପାଶପାଣିଃ ସର୍ୱଜୀବଃ ସର୍ୱସଂସାରରକ୍ଷକଃ ॥ ୨୧॥
ଦେବକର୍ତା ବ୍ରହ୍ମକର୍ତା ବଷିଷ୍ଠୋ ବ୍ରହ୍ମପାଲକଃ ।
ଜଗତ୍ପତିଃ ସୁରାଚାର୍ୟୋ ଜଗଦ୍ୱ୍ୟାପୀ ଜିତେନ୍ଦ୍ରିୟଃ ॥ ୨୨॥
ମହାମୂର୍ତିର୍ୱିଶ୍ୱମୂର୍ତିର୍ମହାବୁଦ୍ଧିଃ ପରାକ୍ରମଃ ।
ସର୍ୱବୀଜାର୍ଥଚାରୀ ଚ ଦ୍ରଷ୍ଟା ବେଦପତିଃ ସଦା ॥ ୨୩॥
ସର୍ୱଜୀବସ୍ୟ ଜୀବଶ୍ଚ ଗୋପତିର୍ମରୁତାଂ ପତିଃ ।
ମନୋବୁଦ୍ଧିରହଂକାରକାମାଦିକ୍ରୋଧନାଶନଃ ॥ ୨୪॥
କାମଦେବଃ କାମପାଲଃ କାମାଙ୍ଗଃ କାମବଲ୍ଲଭଃ ।
ଶତ୍ରୁନାଶୀ କୃପାସିନ୍ଧୁଃ କୃପାଲୁଃ ପରମେଶ୍ୱରଃ ॥ ୨୫॥
ଦେବତ୍ରାତା ଦେବମାତା ଭ୍ରାତା ବନ୍ଧୁଃ ପିତା ସଖା ।
ବାଲବୃଦ୍ଧସ୍ତନୂରୂପୋ ବିଶ୍ୱକର୍ମା ବଲୋଽବଲଃ ॥ ୨୬॥
ଅନେକମୂର୍ତିଃ ସତତଂ ସତ୍ୟବାଦୀ ସତାଂଗତିଃ ।
ଲୋକବ୍ରହ୍ମ ବୃହଦ୍ବ୍ରହ୍ମ ସ୍ଥୂଲବ୍ରହ୍ମ ସୁରେଶ୍ୱରଃ ॥ ୨୭॥
ଜଗଦ୍ୱ୍ୟାପୀ ସଦାଚାରୀ ସର୍ୱଭୂତଶ୍ଚ ଭୂପତିଃ ।
ଦୁର୍ଗପାଲଃ କ୍ଷେତ୍ରନାଥୋ ରତୀଶୋ ରତିନାୟକଃ ॥ ୨୮॥
ବଲୀ ବିଶ୍ୱବଲାଚାରୀ ବଲଦୋ ବଲି-ବାମନଃ ।
ଦରହ୍ରାସଃ ଶରଚ୍ଚନ୍ଦ୍ରଃ ପରମଃ ପରପାଲକଃ ॥ ୨୯॥
ଅକାରାଦିମକାରାନ୍ତୋ ମଧ୍ୟୋକାରଃ ସ୍ୱରୂପଧୃକ୍ ।
ସ୍ତୁତିସ୍ଥାୟୀ ସୋମପାଶ୍ଚ ସ୍ୱାହାକାରଃ ସ୍ୱଧାକରଃ ॥ ୩୦॥
ମତ୍ସ୍ୟଃ କୂର୍ମୋ ବରାହଶ୍ଚ ନରସିଂହଶ୍ଚ ବାମନଃ ।
ପରଶୁରାମୋ ମହାବୀର୍ୟୋ ରାମୋ ଦଶରଥାତ୍ମଜଃ ॥ ୩୧॥
ଦେବକୀନନ୍ଦନଃ ଶ୍ରେଷ୍ଠୋ ନୃହରିଃ ନରପାଲକଃ ।
ବନମାଲୀ ଦେହଧାରୀ ପଦ୍ମମାଲୀ ବିଭୂଷଣଃ ॥ ୩୨॥
ମଲ୍ଲୀକାମାଲଧାରୀ ଚ ଜାତୀୟୂଥିପ୍ରିୟଃ ସଦା ।
ବୃହତ୍ପିତା ମହାପିତା ବ୍ରାହ୍ମଣୋ ବ୍ରାହ୍ମଣପ୍ରିୟଃ ॥ ୩୩॥
କଲ୍ପରାଜଃ ଖଗପତିର୍ଦେବେଶୋ ଦେବବଲ୍ଲଭଃ ।
ପରମାତ୍ମା ବଲୋ ରାଜ୍ଞାଂ ମାଙ୍ଗଲ୍ୟଂ ସର୍ୱମଙ୍ଗଲଃ ॥ ୩୪॥
ସର୍ୱବଲୋ ଦେହଧାରୀ ରାଜ୍ଞାଂ ଚ ବଲଦାୟକଃ ।
ନାନାପକ୍ଷିପତଙ୍ଗାନାଂ ପାବନଃ ପରିପାଲକଃ ॥ ୩୫॥
ବୃନ୍ଦାବନବିହାରୀ ଚ ନିତ୍ୟସ୍ଥଲବିହାରକଃ ।
କ୍ଷେତ୍ରପାଲୋ ମାନବଶ୍ଚ ଭୁବନୋ ଭବପାଲକଃ ॥ ୩୬॥
ସତ୍ତ୍ୱଂ ରଜସ୍ତମୋବୁଦ୍ଧିରହଙ୍କାରପରୋଽପି ଚ ।
ଆକାଶଂଗଃ ରବିଃ ସୋମୋ ଧରିତ୍ରୀଧରଣୀଧରଃ ॥ ୩୭॥
ନିଶ୍ଚିନ୍ତୋ ଯୋଗନିଦ୍ରଶ୍ଚ କୃପାଲୁଃ ଦେହଧାରକଃ ।
ସହସ୍ରଶୀର୍ଷା ଶ୍ରୀବିଷ୍ଣୁର୍ନିତ୍ୟୋ ଜିଷ୍ଣୁର୍ନିରାଲୟଃ ॥ ୩୮॥
କର୍ତା ହର୍ତା ଚ ଧାତା ଚ ସତ୍ୟଦୀକ୍ଷାଦିପାଲକଃ ।
କମଲାକ୍ଷଃ ସ୍ୱୟମ୍ଭୂତଃ କୃଷ୍ଣବର୍ଣୋ ବନପ୍ରିୟଃ ॥ ୩୯॥
କଲ୍ପଦ୍ରୁମଃ ପାଦପାରିଃ କଲ୍ପକାରୀ ସ୍ୱୟଂ ହରିଃ ।
ଦେବାନାଂ ଚ ଗୁରୁଃ ସର୍ୱଦେବରୂପୋ ନମସ୍କୃତଃ ॥ ୪୦॥
ନିଗମାଗମଚାରୀ ଚ କୃଷ୍ଣଗମ୍ୟଃ ସ୍ୱୟଂୟଶଃ ।
ନାରାୟଣୋ ନରାଣାଂ ଚ ଲୋକାନାଂ ପ୍ରଭୁରୁତ୍ତମଃ ॥ ୪୧॥
ଜୀବାନାଂ ପରମାତ୍ମା ଚ ଜଗଦ୍ୱନ୍ଦ୍ୟଃ ପରୋ ଯମଃ ।
ଭୂତାବାସୋ ପରୋକ୍ଷଶ୍ଚ ସର୍ୱବାସୀ ଚରାଶ୍ରୟଃ ॥ ୪୨॥
ଭାଗୀରଥୀ ମନୋବୁଦ୍ଧିର୍ଭବମୃତ୍ୟୁଃ ପରିସ୍ଥିତଃ ।
ସଂସାରପ୍ରଣୟୀ ପ୍ରୀତଃ ସଂସାରରକ୍ଷକଃ ସଦା ॥ ୪୩॥
ନାନାବର୍ଣଧରୋ ଦେବୋ ନାନାପୁଷ୍ପବିଭୂଷଣଃ ।
ନନ୍ଦଧ୍ୱଜୋ ବ୍ରହ୍ମରୂପୋ ଗିରିବାସୀ ଗଣାଧିପଃ ॥ ୪୪॥
ମାୟାଧରୋ ବର୍ଣଧାରୀ ଯୋଗୀଶଃ ଶ୍ରୀଧରୋ ହରିଃ ।
ମହାଜ୍ୟୋତିର୍ମହାବୀର୍ୟୋ ବଲବାଂଶ୍ଚ ବଲୋଦ୍ଭବଃ ॥ ୪୫॥
ଭୂତକୃତ୍ ଭବନୋ ଦେବୋ ବ୍ରହ୍ମଚାରୀ ସୁରାଧିପଃ ।
ସରସ୍ୱତୀ ସୁରାଚାର୍ୟଃ ସୁରଦେବଃ ସୁରେଶ୍ୱରଃ ॥ ୪୬॥
ଅଷ୍ଟମୂର୍ତିଧରୋ ରୁଦ୍ର ଇଚ୍ଛାମୂର୍ତିଃ ପରାକ୍ରମଃ ।
ମହାନାଗପତିଶ୍ଚୈବ ପୁଣ୍ୟକର୍ମା ତପଶ୍ଚରଃ ॥ ୪୭॥
ଦିନପୋ ଦୀନପାଲଶ୍ଚ ଦିବ୍ୟସିଂହୋ ଦିବାକରଃ ।
ଅନଭୋକ୍ତା ସଭୋକ୍ତା ଚ ହବିର୍ଭୋକ୍ତା ପରୋଽପରଃ ॥ ୪୮॥
ମନ୍ତ୍ରଦୋ ଜ୍ଞାନଦାତା ଚ ସର୍ୱଦାତା ପରୋ ହରିଃ ।
ପରର୍ଦ୍ଧିଃ ପରଧର୍ମା ଚ ସର୍ୱଧର୍ମନମସ୍କୃତଃ ॥ ୪୯॥
କ୍ଷମାଦଶ୍ଚ ଦୟାଦଶ୍ଚ ସତ୍ୟଦଃ ସତ୍ୟପାଲକଃ ।
କଂସାରିଃ କେଶିନାଶୀ ଚ ନାଶନୋ ଦୁଷ୍ଟନାଶନଃ ॥ ୫୦॥
ପାଣ୍ଡବପ୍ରୀତିଦଶ୍ଚୈବ ପରମଃ ପରପାଲକଃ ।
ଜଗଦ୍ଧାତା ଜଗତ୍କର୍ତା ଗୋପଗୋବତ୍ସପାଲକଃ ॥ ୫୧॥
ସନାତନୋ ମହାବ୍ରହ୍ମ ଫଲଦଃ କର୍ମଚାରିଣାମ୍ ।
ପରମଃ ପରମାନନ୍ଦଃ ପରର୍ଦ୍ଧିଃ ପରମେଶ୍ୱରଃ ॥ ୫୨॥
ଶରଣଃ ସର୍ୱଲୋକାନାଂ ସର୍ୱଶାସ୍ତ୍ରପରିଗ୍ରହଃ ।
ଧର୍ମକୀର୍ତିର୍ମହାଧର୍ମୋ ଧର୍ମାତ୍ମା ଧର୍ମବାନ୍ଧବଃ ॥ ୫୩॥
ମନଃକର୍ତା ମହାବୁଦ୍ଧିର୍ମହାମହିମଦାୟକଃ ।
ଭୂର୍ଭୁବଃ ସ୍ୱୋ ମହାମୂର୍ତିଃ ଭୀମୋ ଭୀମପରାକ୍ରମଃ ॥ ୫୪॥
ପଥ୍ୟଭୂତାତ୍ମକୋ ଦେବଃ ପଥ୍ୟମୂର୍ତିଃ ପରାତ୍ପରଃ ।
ବିଶ୍ୱାକାରୋ ବିଶ୍ୱଗର୍ଭଃ ସୁରାମନ୍ଦୋ ସୁରେଶ୍ୱରଃ ॥ ୫୫॥
ଭୁବନେଶଃ ସର୍ୱବ୍ୟାପୀ ଭବେଶଃ ଭବପାଲକଃ ।
ଦର୍ଶନୀୟଶ୍ଚତୁର୍ୱେଦଃ ଶୁଭାଙ୍ଗୋ ଲୋକଦର୍ଶନଃ ॥ ୫୬॥
ଶ୍ୟାମଲଃ ଶାନ୍ତମୂର୍ତିଶ୍ଚ ସୁଶାନ୍ତଶ୍ଚତୁରୋତ୍ତମଃ ।
ସାମପ୍ରୀତିଶ୍ଚ ଋକ୍ ପ୍ରୀତିର୍ୟଜୁଷୋଽଥର୍ୱଣପ୍ରିୟଃ ॥ ୫୭॥
ଶ୍ୟାମଚନ୍ଦ୍ରଶ୍ଚତୁମୂର୍ତିଶ୍ଚତୁର୍ବାହୁଶ୍ଚତୁର୍ଗତିଃ ।
ମହାଜ୍ୟୋତିର୍ମହାମୂର୍ତିର୍ମହାଧାମା ମହେଶ୍ୱରଃ ॥ ୫୮॥
ଅଗସ୍ତିର୍ୱରଦାତା ଚ ସର୍ୱଦେବପିତାମହଃ ।
ପ୍ରହ୍ଲାଦସ୍ୟ ପ୍ରୀତିକରୋ ଧ୍ରୁବାଭିମାନତାରକଃ ॥ ୫୯॥
ମଣ୍ଡିତଃ ସୁତନୁର୍ଦାତା ସାଧୁଭକ୍ତିପ୍ରଦାୟକଃ ।
ଓଁକାରଶ୍ଚ ପରଂବ୍ରହ୍ମ ଓଁ ନିରାଲଂବନୋ ହରିଃ ॥ ୬୦॥
ସଦ୍ଗତିଃ ପରମୋ ହଂସୋ ଜୀବାତ୍ମା ଜନନାୟକଃ ।
ମନଶ୍ଚିନ୍ତ୍ୟଶ୍ଚିତ୍ତହାରୀ ମନୋଜ୍ଞଶ୍ଚାପଧାରକଃ ॥ ୬୧॥
ବ୍ରାହ୍ମଣୋ ବ୍ରହ୍ମଜାତୀନାମିନ୍ଦ୍ରିୟାଣାଂ ଗତିଃ ପ୍ରଭୁଃ ।
ତ୍ରିପାଦାଦୂର୍ଦ୍ଧ୍ୱସମ୍ଭୂତୋ ବିରାଟ୍ ଚୈବ ସୁରେଶ୍ୱରଃ ॥ ୬୨॥
ପରାତ୍ପରଃ ପରଃ ପାଦଃ ପଦ୍ମସ୍ଥଃ କମଲାସନଃ ।
ନାନାସନ୍ଦେହବିଷୟସ୍ତତ୍ତ୍ୱଜ୍ଞାନାଭିନିବୃତଃ ॥ ୬୩॥
ସର୍ୱଜ୍ଞଶ୍ଚ ଜଗଦ୍ବନ୍ଧୁର୍ମନୋଜଜ୍ଞାତକାରକଃ ।
ମୁଖସଂଭୂତବିପ୍ରସ୍ତୁ ବାହସମ୍ଭୂତରାଜକଃ ॥ ୬୪॥
ଊରୋବୈଶ୍ୟଃ ପଦୋଭୂତଃ ଶୂଦ୍ରୋ ନିତ୍ୟୋପନିତ୍ୟକଃ ।
ଜ୍ଞାନୀ ମାନୀ ବର୍ଣଦଶ୍ଚ ସର୍ୱଦଃ ସର୍ୱଭୂଷିତଃ ॥ ୬୫॥
ଅନାଦିବର୍ଣସନ୍ଦେହୋ ନାନାକର୍ମୋପରିସ୍ଥିତଃ ।
ଶୁଦ୍ଧାଦିଧର୍ମସନ୍ଦେହୋ ବ୍ରହ୍ମଦେହଃ ସ୍ମିତାନନଃ ॥ ୬୬॥
ଶଂବରାରିର୍ୱେଦପତିଃ ସୁକୃତଃ ସତ୍ତ୍ୱବର୍ଦ୍ଧନଃ ।
ସକଲଂ ସର୍ୱଭୂତାନାଂ ସର୍ୱଦାତା ଜଗନ୍ମୟଃ ॥ ୬୭॥
ସର୍ୱଭୂତହିତୈଷୀ ଚ ସର୍ୱପ୍ରାଣିହିତେ ରତଃ ।
ସର୍ୱଦା ଦେହଧାରୀ ଚ ବଟକୋ ବଟୁଗଃ ସଦା ॥ ୬୮॥
ସର୍ୱକର୍ମବିଧାତା ଚ ଜ୍ଞାନଦଃ କରୁଣାତ୍ମକଃ ।
ପୁଣ୍ୟସମ୍ପତ୍ତିଦାତା ଚ କର୍ତା ହର୍ତା ତଥୈବ ଚ ॥ ୬୯॥
ସଦା ନୀଲାଦ୍ରିବାସୀ ଚ ନତାସ୍ୟଶ୍ଚ ପୁରନ୍ଦରଃ ।
ନରୋ ନାରାୟଣୋ ଦେବୋ ନିର୍ମଲୋ ନିରୁପଦ୍ରବଃ ॥ ୭୦॥
ବ୍ରହ୍ମାଶମ୍ଭୁଃ ସୁରଶ୍ରେଷ୍ଠଃ କମ୍ବୁପାଣିର୍ବଲୋଽର୍ଜୁନଃ ।
ଜଗଦ୍ଧାତା ଚିରାୟୁଶ୍ଚ ଗୋବିନ୍ଦୋ ଗୋପବଲ୍ଲଭଃ ॥ ୭୧॥
ଦେବୋ ଦେବୋ ମହାବ୍ରହ୍ମ ମହାରାଜୋ ମହାଗତିଃ ।
ଅନନ୍ତୋ ଭୂତନାଥଶ୍ଚ ଅନନ୍ତଭୂତସମ୍ଭବଃ ॥ ୭୨॥
ସମୁଦ୍ରପର୍ୱତାନାଂ ଚ ଗନ୍ଧର୍ୱାଣାଂ ତଥାଽଽଶ୍ରୟଃ ।
ଶ୍ରୀକୃଷ୍ଣୋ ଦେବକୀପୁତ୍ରୋ ମୁରାରିର୍ୱେଣୁହସ୍ତକଃ ॥ ୭୩॥
ଜଗତ୍ସ୍ଥାୟୀ ଜଗଦ୍ୱ୍ୟାପୀ ସର୍ୱସଂସାରଭୂତିଦଃ ।
ରତ୍ନଗର୍ଭୋ ରତ୍ନହସ୍ତୋ ରତ୍ନାକରସୁତାପତିଃ ॥ ୭୪॥
କନ୍ଦର୍ପରକ୍ଷାକାରୀ ଚ କାମଦେବପିତାମହଃ ।
କୋଟିଭାସ୍କରସଂଜ୍ୟୋତିଃ କୋଟିଚନ୍ଦ୍ରସୁଶୀତଲଃ ॥ ୭୫॥
କୋଟିକନ୍ଦର୍ପଲାବଣ୍ୟଃ କାମମୂର୍ତିର୍ବୃହତ୍ତପଃ ।
ମଥୁରାପୁରବାସୀ ଚ ଦ୍ୱାରିକୋ ଦ୍ୱାରିକାପତିଃ ॥ ୭୬॥
ବସନ୍ତଋତୁନାଥଶ୍ଚ ମାଧବଃ ପ୍ରୀତିଦଃ ସଦା ।
ଶ୍ୟାମବନ୍ଧୁର୍ଘନଶ୍ୟାମୋ ଘନାଘନସମଦ୍ୟୁତିଃ ॥ ୭୭॥
ଅନନ୍ତକଲ୍ପବାସୀ ଚ କଲ୍ପସାକ୍ଷୀ ଚ କଲ୍ପକୃତ୍ ।
ସତ୍ୟନାଥଃ ସତ୍ୟଚାରୀ ସତ୍ୟବାଦୀ ସଦାସ୍ଥିତଃ ॥ ୭୮॥
ଚତୁର୍ମୂର୍ତିଶ୍ଚତୁର୍ବାହୁଶ୍ଚତୁର୍ୟୁଗପତିର୍ଭବଃ ।
ରାମକୃଷ୍ଣୋ ଯୁଗାନ୍ତଶ୍ଚ ବଲଭଦ୍ରୋ ବଲୋ ବଲୀ ॥ ୭୯॥
ଲକ୍ଷ୍ମୀନାରାୟଣୋ ଦେବଃ ଶାଲଗ୍ରାମଶିଲାପ୍ରଭୁଃ ।
ପ୍ରାଣୋଽପାନଃ ସମାନଶ୍ଚୋଦାନବ୍ୟାନୌ ତଥୈବ ଚ ॥ ୮୦॥
ପଞ୍ଚାତ୍ମା ପଞ୍ଚତତ୍ତ୍ୱଂ ଚ ଶରଣାଗତପାଲକଃ ।
ଯତ୍କିଂଚିତ୍ ଦୃଶ୍ୟତେ ଲୋକେ ତତ୍ସର୍ୱଂ ଜଗଦୀଶ୍ୱରଃ ॥ ୮୧॥
ଜଗଦୀଶୋ ମହଦ୍ବ୍ରହ୍ମ ଜଗନ୍ନାଥାୟ ତେ ନମଃ ।
ଜଗଦୀଶୋ ମହଦ୍ବ୍ରହ୍ମ ଜଗନ୍ନାଥାୟ ତେ ନମଃ ।
ଜଗଦୀଶୋ ମହଦ୍ବ୍ରହ୍ମ ଜଗନ୍ନାଥାୟ ତେ ନମଃ ।
॥ ଇତି ଶ୍ରୀଜଗନ୍ନାଥସହସ୍ରନାମସ୍ତୋତ୍ରମ୍ ॥
ଶ୍ରୀଜଗନ୍ନାଥସ୍ୟ ସହସ୍ରନାମସ୍ତୋତ୍ରମ୍ Sri Jagannathasya Sahasranama Stotram In Odia Lyrics