I ଅଥ ଶ୍ରୀଜଗନ୍ନାଥସହସ୍ରନାମ ମାହାତ୍ମ୍ୟମ୍ ।
ଏବଂ ନାମସହସ୍ରେଣ ସ୍ତବୋଽୟଂ ପଠ୍ୟତେ ଯଦି ।
ପାଠଂ ପାଠୟତେ ଯସ୍ତୁ ଶୃଣୁୟାଦପି ମାନବଃ ॥ ୧॥
ସହସ୍ରାଣାଂ ଶତେନୈବ ଯଜ୍ଞେନ ପରିପୂଜ୍ୟତେ ।
ଯତ୍ପୁଣ୍ୟଂ ସର୍ୱତୀର୍ଥେଷୁ ବେଦେଷୁ ଚ ବିଶେଷତଃ ॥ ୨॥
ତତ୍ପୁଣ୍ୟଂ କୋଟିଗୁଣିତଂ ଅଚିରାଲ୍ଲଭତେ ନରଃ ।
ଜଗନ୍ନାଥସ୍ୟ ନାମାନି ପୁଣ୍ୟାନି ସଫଲାନି ଚ ॥ ୩॥
ବିଦ୍ୟାର୍ଥୀ ଲଭତେ ବିଦ୍ୟାଂ ଯୋଗାର୍ଥୀ ଯୋଗମାପ୍ନୁୟାତ୍ ।
କନ୍ୟାର୍ଥୀ ଲଭତେ କନ୍ୟାଂ ଜୟାର୍ଥୀ ଲଭତେ ଜୟମ୍ ॥ ୪॥
କାମାର୍ଥୀ ଲଭତେ କାମଂ ପୁତ୍ରାର୍ଥୀ ଲଭତେ ସୁତମ୍ ।
କ୍ଷତ୍ରିୟାଣାଂ ପ୍ରୟୋଗେଣ ସଂଗ୍ରାମେ ଜୟଦଃ ସଦା ॥ ୫॥
ବୈଶ୍ୟାନାଂ ସର୍ୱଧର୍ମଃ ସ୍ୟାଚ୍ଛୂଦ୍ରାଣାଂ ସୁଖମେଧତେ ।
ସାଧୂନାଂ ପଠତୋ ନିତ୍ୟଂ ଜ୍ଞାନଦଃ ଫଲଦସ୍ତଥା ॥ ୬॥
ନାଽପବାଦଂ ନ ଦୁଃଖଂ ଚ କଦା ଚ ଲଭତେ ନରଃ ।
ସର୍ୱସୌଖ୍ୟଂ ଫଲଂ ପ୍ରାପ୍ୟ ଚିରଂଜୀବୀ ଭବେନ୍ନରଃ ॥ ୭॥
ଶୃଣୁ ରାଜନ୍ ମହାବାହୋ ମହିମାନଂ ଜଗତ୍ପତେଃ ।
ଯସ୍ୟ ସ୍ମରଣମାତ୍ରେଣ ସର୍ୱପାପୈଃ ପ୍ରମୁଚ୍ୟତେ ॥ ୮॥
ଜଗନ୍ନାଥଂ ଲୋକନାଥଂ ପଠତେ ଯଃ ସଦା ଶୁଚିଃ ।
କଲିକାଲୋଦ୍ଭବଂ ପାପଂ ତତ୍କ୍ଷଣାତ୍ତସ୍ୟ ନଶ୍ୟତି ॥ ୯॥
II ଇତି ଶ୍ରୀବ୍ରହ୍ମପୁରାଣେ ଭୀଷ୍ମ-ଯୁଧିଷ୍ଠିର-ସଂବାଦେ
ଶ୍ରୀଜଗନ୍ନାଥସହସ୍ରନାମସ୍ତୋତ୍ରଂ ସମାପ୍ତମ୍ ॥
ଶ୍ରୀଜଗନ୍ନାଥସହସ୍ରନାମ Sri Jagannath Sahasranam Mahatmyam In Odia Lyrics