*********************
ଧଡଦ୍-ଧଡଦ୍-ଧଡଦ୍-ଧଡଦ୍-ପହଣ୍ଡିଶବ୍ବମଣ୍ଡିତଂ
ଘଡର୍-ଘଡର୍-ଘଡର୍-ଘଡର୍-ରଥୀୟନାଦକମ୍ପିତମ୍।
ଥଥୈ-ଥଥୈ-ଥଥୈ-ଥଥୈ-ମୃଦୁଙ୍ଗଲାସଶୋଭିତଂ
ସ୍ମରନ୍ ସ୍ମରନ୍ ସ୍ମରନ୍ ସ୍ମରନ୍ ନମାମି ଦାରୁଦୈବତମ୍।।
ସୁନୀଳଶୈଳରାଜିତଂ ସୁନୀଳଚକ୍ରଭୂଷିତଂ
ସୁନୀଳସାଗରସ୍ଥିତଂ ସୁପୀତବସ୍ତ୍ରଭାସିତମ୍।
ସୁଭଦ୍ରଭଦ୍ରସଂଯୁତଂ ସୁଭଦ୍ରିକାସମନ୍ବିତଂ
ସୁବର୍ଣ୍ଣପୀଠସଂସ୍ଥିତଂ ନମାମି ଦାରୁଦୈବତମ୍।।
ସୁନିମ୍ବଦାରୁବେରକଂ ଧରାଧରାଭଧାରକଂ
ମୟୂରପିଚ୍ଛଧାରକଂ ବିଚିତ୍ରଚିତ୍ରଧାରକମ୍।
ସୁବର୍ତ୍ତୁଳାକ୍ଷିଧାରକଂ ବିଚିତ୍ରଚିତ୍ରଧାରକଂ
ରଥପ୍ରମୋଦବର୍ଦ୍ଧକଂ ନମାମି ଦାରୁଦୈବତମ୍।।
ସୁତୀକ୍ଷ୍ଣଚକ୍ରନାୟକଂ ବିଶାଳଶାର୍ଙ୍ଗସାୟକଂ
ବିଶିଷ୍ଟଖଡ୍ଗଧାରକଂ ସୁଲୀଳପଦ୍ମଧାରକମ୍।
ପ୍ରମତ୍ତଦୈତ୍ୟଦାରକଂ ପ୍ରଭୂତଶାନ୍ତିଦାୟକଂ
ଅନଳ୍ପପୁଣ୍ୟଦାୟକଂ ନମାମି ଦାରୁଦୈବତମ୍।।
ଗଜେଶରାଜପୂଜିତଂ ସୁନନ୍ଦିଘୋଷବନ୍ଦିତଂ
ସୁରେନ୍ଦ୍ରନିତ୍ୟନନ୍ଦିତଂ ବିନନ୍ଦ୍ୟକୀର୍ତ୍ତିରାଜିତମ୍।
ରିପୁପ୍ରତାପତାପକଂ ସମଗ୍ରଲୋକପାଳକଂ
ଯମପ୍ରକୋପତାରକଂ ନମାମି ଦାରୁଦୈବତମ୍।।
ଖଗେଶ୍ବରଂ ଗଦେଶ୍ଵରଂ ଭବେଶ୍ଵରଂ ଶିବେଶ୍ଵରଂ
ମହୀଶ୍ଵରଂ ମହେଶ୍ଵରଂ ସୁଦର୍ଶନେଶ୍ଵରଂ ବରମ୍।
କଳୀଶ୍ଵରଂ କଳେଶ୍ଵରଂ ହଳୀଶ୍ଵରଂ ସୁରେଶ୍ଵରଂ
ପୁରେଶ୍ଵରଂ ପୁରୀଶ୍ଵରଂ ନମାମି ଦାରୁଦୈବତମ୍।।
ରଥେଶ୍ଵରଂ ପଥେଶ୍ଵରଂ ନଟେଶ୍ଵରଂ ବଟେଶ୍ଵରଂ
ସୁଧୀଶ୍ଵରଂ ସଦୀଶ୍ଵରଂ ହୃଦୀଶ୍ଵରଂ ନଦୀଶ୍ଵରମ୍।
ମଖେଶ୍ଵରଂ କ୍ଷମେଶ୍ଵରଂ ଜନେଶ୍ଵରଂ ଦୟେଶ୍ଵରଂ
ବିଶିଷ୍ଟକନ୍ଦରୀଶ୍ଵରଂ ନମାମି ଦାରୁଦୈବତମ୍।।
ଗୁଣେଶ୍ଵରଂ ଗୁଣୀଶ୍ବରଂ ଗିରେଶ୍ଵରଂ ଗିରୀଶ୍ଵରଂ
ମୁନୀଶ୍ଵରଂ ଶୁଭେଶ୍ଵରଂ ଦରିଦ୍ରମାନୁଷେଶ୍ଵମ୍।
ଜବାଧରଂ ରମାଧରଂ ନଗାଧରଂ ଧରାଧରଂ
ପରାତ୍ପରଂ ତମୋହରଂ ନମାମି ଦାରୁଦୈବତମ୍।।
ପଦାମ୍ବୁଜଂ କରାମ୍ବୁଜଂ ଦୃଗମ୍ବୁଜଂ ମୁଖାମ୍ବୁଜଂ
ବିଭିନ୍ନରୂପଧାରକଂ ଗଜେନ୍ଦ୍ରମୁକ୍ତିକାରକମ୍।
ମହାପ୍ରସାଦଦାୟକଂ ସୁଭକ୍ତିଭୁକ୍ତିଦାୟକଂ
କରାଳକାଳନାଶକଂ ନମାମି ଦାରୁଦୈବତମ୍।।
ପ୍ରଶସ୍ତରମ୍ୟମନ୍ଦିରଂ ପ୍ରକୃଷ୍ଟକୃଷ୍ଣସୁନ୍ଦରଂ
ସୁଭକ୍ତମୋକ୍ଷକାରକଂ ସମଗ୍ରବିଶ୍ଵନାୟକମ୍।
ଅଖଣ୍ଡଭାଗ୍ୟକାରକଂ ପ୍ରଚଣ୍ଡତାପହାରକଂ
ପ୍ରମାଦଦାବଦାହକଂ ନମାମି ଦାରୁଦୈବତମ୍।।
ସମସ୍ତନଷ୍ଟଶାସକଂ ସମସ୍ତକଷ୍ଟନାଶକଂ
ସମସ୍ତମନ୍ଦବାରକଂ ସମସ୍ତତାପତାରକମ୍।
ସମସ୍ତଦିବ୍ୟକାମଦଂ ସମସ୍ତଭବ୍ୟମାନଦଂ
ସମସ୍ତସୌଖ୍ୟଦାୟକଂ ନମାମି ଦାରୁଦୈବତମ୍।।
ସଦା ଜଗତ୍ପତିସ୍ତୁତିର୍ଦଦାତି ସୌଖ୍ୟସଂହତିଂ
ସ୍ମରନ୍ ପଠନ୍ ଜପନ୍ ଜନଃ ପ୍ରୟାତି ପୂତପଦ୍ଧତିମ୍।
ହୃଦା ମୁଦ୍ରା ଦ୍ବିଜବ୍ରଜଃ ପ୍ରଣୌତି ତଂ ମହାପ୍ରଭୁଂ
ଦଦାତୁ ଶୁଦ୍ଧଭାବନାଂ ଧନଂ ଧିୟଂ ସୁଖଂ ଶୁଭମ୍।।
ଶ୍ରୀଦାରୁବ୍ରହ୍ମତାଣ୍ଡବମ୍ Sri Jagannath Sri Daru Brahma Tandabam In Odia Lyrics
ସମସ୍ତ ଦେବାଦେବୀଙ୍କ ସ୍ତୁତି ଶ୍ଳୋକପ୍ରାର୍ଥନା ଅଷ୍ଟକ ଏବଂ ପୂଜା ବିଦ୍ଧି
सभी देवता भजन प्रार्थना अष्टक और पूजा विधि