🙏 ଓଡ଼ିଆରେ ଶ୍ରୀ ଶିବମହିମ୍ନଃ ସ୍ତୋତ୍ରମ୍ 🙏
ପୁଷ୍ପଦନ୍ତ ଉୱାଚ
ମହିମ୍ନଃ ପାରନ୍ତେ ପରମୱିଦୁଷୋ ଯଦ୍ୟସଦୃଶୀ ।
ସ୍ତୁତିର୍ବ୍ରହ୍ମାଦୀନାମପି ତଦୱସନ୍ନାସ୍ତ୍ୱୟି ଗିରଃ ॥
ଅଥାୱାଚ୍ୟଃ ସର୍ୱଃ ସ୍ୱମତିପରିମାଣାୱଧି ଗୃଣନ୍ ।
ମମାପ୍ୟେଷ ସ୍ତୋତ୍ରେ ହର ନିରପୱାଦଃ ପରିକରଃ ॥୧॥
ଅତୀତଃ ପନ୍ଥାନଂ ତୱ ଚ ମହିମା ୱାଙ୍ମନସୟୋଃ ।
ଅତଦ୍ୱ୍ୟାୱୃତ୍ତ୍ୟା ଯଂ ଚକିତମଭିଧତ୍ତେ ଶ୍ରୁତିରପି ॥
ସ କସ୍ୟ ସ୍ତୋତୱ୍ୟଃ କତିୱିଧଗୁଣଃ କସ୍ୟ ୱିଷୟଃ ।
ପଦେ ତ୍ୱର୍ୱାଚୀନେ ପତତି ନ ମନଃ କସ୍ୟ ନ ୱଚଃ ॥୨॥
ମଧୁସ୍ଫୀତା ୱାଚଃ ପରମମମୃତଂ ନିର୍ମିତୱତଃ ।
ତୱ ବ୍ରହ୍ମନ୍କିମାଗପି ସୁରଗୁରୋର୍ୱିସ୍ମୟପଦମ୍ ॥
ମମ ତ୍ୱେତାଂ ୱାଣୀଂ ଗୁଣକଥନପୁଣ୍ୟେନ ଭୱତଃ ।
ପୁନାମୀତ୍ୟର୍ଥେଽସ୍ମିନ୍ ପୁରମଥନ ବୁଦ୍ଧିର୍ୱ୍ୟୱସିତା ॥୩॥
ତୱୈଶ୍ୱର୍ଯ୍ୟଂ ତତ୍ତଜ୍ଜଗଦୁଦୟରକ୍ଷା ପ୍ରଳୟକୃତ୍ ।
ତ୍ରୟୀୱସ୍ତୁ ୱ୍ୟସ୍ତଂ ତିସୃଷୁ ଗୁଣଭିନ୍ନାସୁ ତନୁଷୁ ॥
ଅଭୱ୍ୟାନାମସ୍ମିନ୍ୱରଦ ରମଣୀୟାମରମଣୀମ୍ ।
ୱିହନ୍ତୁଂ ୱ୍ୟାକ୍ରୋଶୀଂ ୱିଦଧତ ଇହୈକେ ଜଡ଼ଧିୟଃ ॥୪॥
କିମୀହଃ କିଂକାୟଃ ସ ଖଲୁ କିମୁପାୟସ୍ତ୍ରିଭୁୱନମ୍ ।
କିମାଧାରୋ ଧାତା ସୃଜତି କିମୁପାଦାନ ଇତି ଚ ॥
ଅତର୍କ୍ୟୈଶ୍ୱର୍ଯ୍ୟେ ତ୍ୱୟ୍ୟନୱସରଦୁଃସ୍ଥୋ ହତଧିୟଃ ।
କୁତର୍କୋଽୟଂ କାଂଶ୍ଚିନ୍ମୁଖରୟତି ମୋହାୟ ଜଗତଃ ॥୫॥
ଅଜନ୍ମାନୋ ଲୋକାଃ କିମୱୟୱୱନ୍ତୋଽପି ଜଗତାମ୍ ।
ଅଧିଷ୍ଠାତାରଂ କିଂ ଭୱୱିଧିରନାଦୃତ୍ୟ ଭୱତି ॥
ଅନୀଶୋ ୱା କୁର୍ଯ୍ୟାଦ୍ଭୁୱନଜନନେ କଃ ପରିକରୋ ।
ୟତୋ ମନ୍ଦାସ୍ତ୍ୱାଂ ପ୍ରତ୍ୟମରୱର ସଂଶେରତ ଇମେ ॥୬॥
ତ୍ରୟୀ ସାଂଖ୍ୟଂ ଯୋଗଃ ପଶୁପତିମତଂ ୱୈଷ୍ଣୱମିତି ।
ପ୍ରଭିନ୍ନେ ପ୍ରସ୍ଥାନେ ପରମିଦମଦଃ ପଥ୍ୟମିତି ଚ ॥
ରୁଚୀନାଂ ୱୈଚିତ୍ର୍ୟାଦୃଜୁକୁଟିଲ ନାନାପଥଜୁଷାମ୍ ।
ନୃଣାମେକୋ ଗମ୍ୟସ୍ତ୍ୱମସି ପୟସାମର୍ଣ୍ଣୱ ଇୱ ॥୭॥
ମହୋକ୍ଷଃ ଖଟ୍ୱାଙ୍ଗଂ ପରଶୁରଜିନଂ ଭସ୍ମ ଫଣିନଃ ।
କପାଲଂ ଚେତୀୟତ୍ତୱ ୱରଦ ତନ୍ତ୍ରୋପକରଣମ୍ ॥
ସୁରାସ୍ତାଂ ତାମୃଦ୍ଧିଂ ଦଧତି ତୁ ଭୱଦ୍ଭୃପ୍ରଣିହିତାମ୍ ।
ନ ହି ସ୍ୱାତ୍ମାରାମଂ ୱିଷୟମୃଗତୃଷ୍ଣା ଭ୍ରମୟତି ॥୮॥
ଧ୍ରୁୱଂ କଶ୍ଚିତ୍ସର୍ୱଂ ସକଲମପରସ୍ତ୍ୱଦ୍ ଧ୍ରୁୱମିଦମ୍ ।
ପରୋ ଧ୍ରୌୱ୍ୟାଧ୍ରୌୱ୍ୟେ ଜଗତି ଗଦତି ୱ୍ୟସ୍ତୱିଷୟେ ॥
ସମସ୍ତେଽପ୍ୟେତସ୍ମିନ୍ ପୁରମଥନ ତୈୱିସ୍ମିତ ଇୱ ।
ସ୍ତୁୱଞ୍ଜିଦ୍ଦେମି ତ୍ୱାଂ ନ ଖଲୁ ନନୁ ଧୃଷ୍ଟା ମୁଖରତା ॥୯॥
ତୱୈଶ୍ୱର୍ଯ୍ୟଂ ଯତ୍ତଦ୍ୟଦୁପରି ୱିରଞ୍ଚିର୍ହରିରଧଃ ।
ପରିଚ୍ଛେତ୍ତୁଂ ଯାତାୱନଲମନଲସ୍କନ୍ଧୱପୁଷଃ ॥
ତତୋ ଭକ୍ତିଶ୍ରଦ୍ଧାଭରଗୁରୁ ଗୃଣଦ୍ଭ୍ୟାଂ ଗିରିଶ ଯତ୍ ।
ସ୍ୱୟଂ ତସ୍ଥେ ତାଭ୍ୟାଂ ତୱ କିମନୁୱୃତ୍ତିର୍ନ ଫଲତି ॥୧୦॥
ଅୟତ୍ନାଦାପାଦ୍ୟ ତ୍ରିଭୁୱନମୱୈରୱ୍ୟତିକରମ୍ ।
ଦଶାସ୍ୟୋ ଯଦ୍ବାହୂନଭୃତ ରଣକଣ୍ଡୂପରୱଶାନ୍ ॥
ଶିରଃପଦ୍ମଶ୍ରେଣୀରଚିତ ଚରଣାମ୍ଭୋରୁହ ବଲେଃ ।
ସ୍ଥିରାୟାସ୍ତ୍ୱଦ୍ଭକ୍ତେସ୍ତ୍ରିପୁରହର ୱିୟସ୍ଫୂର୍ଜିତମିଦମ୍ ॥୧୧॥
ଅମୁଷ୍ୟ ତ୍ୱତ୍ସେୱା ସମଧିଗତସାରଂ ଭୁଜୱନମ୍ ।
ବଲାତ୍ କୈଲାସେଽପି ତ୍ୱଦଧିୱସତୌ ୱିକ୍ରମୟତଃ ॥
ଅଲଭ୍ୟା ପାତାଲେଽପ୍ୟଲସଚଲିତାଙ୍ଗୁଷ୍ଠଶିରସି ।
ପ୍ରତିଷ୍ଠା ତ୍ୱୟ୍ୟାସୀଦ୍ ଧ୍ରୁୱମୁପଚିତୋ ମୁହ୍ୟତି ଖଲଃ ॥୧୨॥
ଯଦୃଦ୍ଧିଂ ସୁତ୍ରାମ୍ଣୋ ୱରଦ! ପରମୋଚ୍ଚୈରପି ସତୀ ।
ମଧଶ୍ଚକ୍ରେ ବାଣଃ ପରିଜନୱିଧେୟସ୍ତ୍ରିଭୁୱନଃ ॥
ନ ତଚ୍ଚିତ୍ରଂ ତସ୍ମିନ୍ ୱରିୱସିତରି ତ୍ୱଚ୍ଚରଣୟୋଃ ।
ନ କସ୍ୟାପ୍ୟୁନ୍ନତ୍ୟୈ ଭୱତି ଶିରସସ୍ତ୍ୱୟ୍ୟୱନତିଃ ॥୧୩॥
ଅକାଣ୍ଡେ ବ୍ରହ୍ମାଣ୍ଡ କ୍ଷୟଚକିତଦେୱାସୁର କୃପା- ।
ୱିଧେୟସ୍ୟାଽସୀଦ୍ୟସ୍ତ୍ରିନୟନ ୱିଷଂ ସଂହୃତୱତଃ ॥
ସ କଲ୍ମାଷଃ କଣ୍ଠେ ତୱ ନ କୁରୁତେ ନ ଶ୍ରିୟମହୋ ।
ୱିକାରୋଽପି ଶ୍ଲାଘ୍ୟୋ ଭୁୱନଭୟଭଙ୍ଗୱ୍ୟସନିନଃ ॥୧୪॥
ଅସିଦ୍ଧାର୍ଥା ନୈୱ କ୍ୱଚିଦପି ସଦେୱାସୁରନରେ ।
ନିୱର୍ତ୍ତନ୍ତେ ନିତ୍ୟଂ ଜଗତି ଜୟିନୋ ଯସ୍ୟ ୱିଶିଖାଃ ॥
ସ ପଶ୍ୟନ୍ନୀଶ ତ୍ୱାମିତରସୁରସାଧାରଣମଭୂତ୍ ।
ସ୍ମରଃ ସ୍ମର୍ତୱ୍ୟାତ୍ମା ନ ହି ୱଶିଷୁ ପଥ୍ୟଃ ପରିଭୱଃ ॥୧୫॥
ମହୀ ପାଦାଘାତାଦ୍ ବ୍ରଜତି ସହସା ସଂଶୟପଦମ୍ ।
ପଦଂ ୱିଷ୍ଣୋର୍ଭ୍ରାମ୍ୟଦ୍ଭୁଜପରିଘରୁଗ୍ଣଗ୍ରହଗଣମ୍ ॥
ମୁହୁର୍ଦ୍ୟୌର୍ଦୌସ୍ଥ୍ୟଂ ଯାତ୍ୟନିଭୃତଜଟାତାଡ଼ିତତଟା ।
ଜଗଦ୍ରକ୍ଷାୟୈ ତ୍ୱଂ ନଟସି ନନୁ ୱାମୈୱ ୱିଭୁତା ॥୧୬॥
ୱିୟଦ୍ୱ୍ୟାପୀ ତାରାଗଣଗୁଣିତଫେନୋଦ୍ଗମରୁଚିଃ ।
ପ୍ରୱାହୋ ୱାରାଂ ଯଃ ପୃଷତଲଘୁଦୃଷ୍ଟଃ ଶିରସି ତେ ॥
ଜଗଦ୍ୱୀପାକାରଂ ଜଲଧିୱଲୟଂ ତେନ କୃତମିତ ।
ୟନୈୱୋନ୍ନେୟଂ ଧୃତମହିମ ଦିୱ୍ୟଂ ତୱ ୱପୁଃ ॥୧୭॥
ରଥଃ କ୍ଷୋଣୀ ଯନ୍ତା ଶତଧୃତିରଗେନ୍ଦ୍ରୋ ଧନୁରଥୋ ।
ରଥାଙ୍ଗେ ଚନ୍ଦ୍ରାର୍କୌ ରଥଚରଣପାଣିଃ ଶର ଇତି ॥
ଦିଧକ୍ଷୋସ୍ତେ କୋଽୟଂ ତ୍ରିପୁରତୃଣମାଡ଼ମ୍ବର ୱିଧିଃ ।
ୱିଧେୟୈଃ କ୍ରୀଡ଼ନ୍ତ୍ୟୋ ନ ଖଲୁ ପରତନ୍ତ୍ରାଃ ପ୍ରଭୁଧିୟଃ ॥୧୮॥
ହରିସ୍ତେ ସାହସ୍ର କମଲବଲିମାଧାୟ ପଦୟୋଃ ।
ୟଦେକୋନେ ତସ୍ମିନ୍ନିଜମୁଦହରତ୍ କମଲମ୍ ॥
ଗତୋ ଭକ୍ତ୍ୟୁଦ୍ରେକଃ ପରିଣତିମସୌ ଚକ୍ରୱପୁଷା ।
ତ୍ରୟାଣାଂ ରକ୍ଷାୟୈ ତ୍ରିପୁରହର ଜାଗର୍ତ୍ତି ଜଗତାମ୍ ॥୧୯॥
କ୍ରତୌ ସୁପ୍ତେ ଜାଗ୍ରତ୍ ତ୍ୱମସି ଫଳଯୋଗେ କ୍ରତୁମତାମ୍ ।
କ୍ୱ କର୍ମ ପ୍ରଧ୍ୱସ୍ତଂ ଫଲତି ପୁରୁଷାରାଧନମୃତେ ॥
ଅତସ୍ତ୍ୱାଂ ସମ୍ପ୍ରେକ୍ଷ୍ୟ କ୍ରତୁଷୁ ଫଳଦାନପ୍ରତିଭୁୱମ୍ ।
ଶ୍ରୁତୌ ଶ୍ରଦ୍ଧାଂ ବଦ୍ଧ୍ୱା ଦୃଢ଼ପରିକରଃ କର୍ମସୁ ଜନଃ ॥୨୦॥
କ୍ରିୟାଦକ୍ଷୋ ଦକ୍ଷଃ କ୍ରତୁପତିରଧୀଶସ୍ତନୁଭୃତାମ୍ ।
ଋତ୍ୱିଜ୍ୟଂ ଶରଣଦ ସଦସ୍ୟାଃ ସୁରଗଣାଃ ॥
କ୍ରତୁ ଭ୍ରଂଶସ୍ତ୍ୱତ୍ତଃ କ୍ରତୁଫଳ ୱିଧାନୱ୍ୟସନିନୋ ।
ଧ୍ରୁୱଂ କର୍ତ୍ତୁଃ ଶ୍ରଦ୍ଧାୱିଧୁରମଭିଚାରାୟ ହି ମଖାଃ ॥୨୧॥
ପ୍ରଜାନାଥଂ ନାଥ ପ୍ରସଭମଭିକଂ ସ୍ୱାଂ ଦୁହିତରମ୍ ।
ଗତଂ ରୋହିଦ୍ଭୂତାଂ ରିରମୟିଷୁମୃଷ୍ୟସ୍ୟ ୱପୁଷା ॥
ଧନୁଷ୍ପାଣେର୍ୟାତଂ ଦିୱମପି ସପତ୍ନାକୃତମମୁମ୍ ।
ତ୍ରସନ୍ତଂ ତେଽଦ୍ୟାପି ତ୍ୟଜତି ନ ମୃଗୱ୍ୟାଧରଭସଃ ॥୨୨॥
ସ୍ୱଲାୱଣ୍ୟାଶଂସା ଧୃତଧନୁଷମହ୍ୟାୟ ତୃଣୱତ୍ ।
ପୁରଃ ପ୍ଲୁଷ୍ଟଂ ଦୃଷ୍ଟ୍ୱା ପୁରମଥନ ପୁଷ୍ପାୟୁଧମପି ॥
ଯଦି ସ୍ତ୍ରୈଣଂ ଦେୱୋ ଯମନିରତଦେହାର୍ଧଘଟନାତ୍ ।
ଅୱୈତି ତ୍ୱାମଦ୍ଧା ୱତ ୱରଦ ମୁଗ୍ଧା ଯୁୱତୟଃ ॥୨୩॥
ଶ୍ମଶାନେଷ୍ୱାକ୍ରୀଡ଼ା ସ୍ମରହର ପିଶାଚାଃ ସହଚରାଃ ।
ଚିତା-ଭସ୍ମାଲେପଃ ସ୍ରଗପି ନୃକରୋଟୀ-ପରିକରଃ ॥
ଅମଙ୍ଗଲ୍ୟଂ ଶୀଲଂ ତୱ ଭୱତୁ ନାମୈୱମଖିଲମ୍ ।
ତଥାପି ସ୍ମର୍ତ୍ତୃଣାଂ ୱରଦ ପରମଂ ମଙ୍ଗଲମସି ॥୨୪॥
ମନଃ ପ୍ରତ୍ୟକ୍ ଚିତ୍ତେ ସୱିଧମୱଧାୟାତ୍ତମରୁତଃ ।
ପ୍ରହୃଷ୍ୟଦ୍ରୋମାଣଃ ପ୍ରମଦସଲିଲୋତ୍ସଙ୍ଗିତଦୃଶଃ ॥
ୟଦାଲୋକ୍ୟାହ୍ଲାଦଂ ହ୍ରଦ ଇୱ ନିମଜ୍ଜ୍ୟାମୃତମୟେ ।
ଦଧତ୍ୟନ୍ତସ୍ତତ୍ତ୍ୱଂ କିମପି ଯମିନସ୍ତତ୍କିଲ ଭୱାନ୍ ॥୨୫॥
ତ୍ୱମର୍କସ୍ତ୍ୱଂ ସୋମସ୍ତ୍ୱମସି ପୱନସ୍ତ୍ୱଂ ହୁତୱହଃ ।
ତ୍ୱମାପସ୍ତ୍ୱଂ ୱ୍ୟୋମ ତ୍ୱମୁ ଧରଣିରାତ୍ମା ତ୍ୱମିତି ଚ ॥
ପରିଚ୍ଛିନ୍ନାମେୱଂ ତ୍ୱୟି ପରିଣତା ବିଭ୍ରତି ଗିରମ୍ ।
ନ ୱିଦ୍ମସ୍ତତ୍ ତତ୍ତ୍ୱଂ ୱୟମିହ ତୁ ଯତ୍ ତ୍ୱଂ ନ ଭୱସି ॥୨୬॥
ତ୍ରୟୀଂ ତିସ୍ରୋ ୱୃତ୍ତୀସ୍ତ୍ରିଭୁୱନମଥୋ ତ୍ରୀନପି ସୁରାନ୍ ।
ତ୍ରୟୋ ନାଦ୍ୟୈର ୱର୍ଣ୍ଣୈସ୍ତ୍ରିଭିରଭିଦଧତ୍ତୀର୍ଣ୍ଣ ୱିକୃତିଃ ॥
ତୁରୀୟଂ ତେ ଧାମ ଧ୍ୱନିଭିରୱରୁନ୍ଧାନମଣୁଭିଃ ।
ସମସ୍ତଂ ୱ୍ୟସ୍ତଂ ତ୍ୱାଂ ଶରଣଦ ଗୃଣାତ୍ୟୋମିତି ପଦମ୍ ॥୨୭॥
ଭୱଃ ଶର୍ୱୋ ରୁଦ୍ରଃ ପଶୁପତିରଥୋଗ୍ରଃ ସହ ମହାନ୍ ତଥା ।
ଭୀମେଶାନାୱିତି ୟଦଭିଧାନାଷ୍ଟକମିଦମ୍ ॥
ଅମୁଷ୍ମିନ୍ ପ୍ରତ୍ୟେକଂ ପ୍ରୱିଚରତି ଦେୱଃ ଶ୍ରୁତିରପି ।
ପ୍ରିୟାୟାସ୍ମୈ ଧାମ୍ନେ ପ୍ରଣିହିତନମସ୍ୟୋଽସ୍ମି ଭୱତେ ॥୨୮॥
ନମୋ ନେଦିଷ୍ଠାୟ ପ୍ରିୟଦୱ ଦୱିଷ୍ଠାୟ ଚ ନମୋ ।
ନମଃ କ୍ଷୋଦିଷ୍ଠାୟ ସ୍ମରହର ମହିଷ୍ଠାୟ ଚ ନମଃ ॥
ନମୋ ୱର୍ଷିଷ୍ଠାୟ ତ୍ରିନୟନ ଯୱିଷ୍ଠାୟ ଚ ନମୋ ।
ନମଃ ସର୍ୱସ୍ମୈ ତେ ତଦିଦମିତି ଶର୍ୱାୟ ଚ ନମଃ ॥୨୯॥
ବହୁଲରଜସେ ୱିଶ୍ୱୋତ୍ପତ୍ତୌ ଭୱାୟ ନମୋ ନମଃ ।
ପ୍ରବଲତମସେ ତତ୍ସଂହାରେ ହରାୟ ନମୋ ନମଃ ॥
ଜନସୁଖକୃତେ ସତ୍ତ୍ୱୋଦ୍ରିକ୍ତୌ ମୃଡାୟ ନମୋ ନମଃ ।
ପ୍ରମହସି ପଦେ ନିସ୍ତ୍ରୈଗୁଣ୍ୟେ ଶିୱାୟ ନମୋ ନମଃ ॥୩୦॥
କୃଶ ପରିଣତି ଚେତଃ କ୍ଲେଶୱଶ୍ୟଂ କ୍ୱ ଚେଦମ୍ ।
କ୍ୱ ଚ ତୱ ଗୁଣସୀମୋଲ୍ଲଙ୍ଘିନୀ ଶଶ୍ୱଦ୍ଧୃଦ୍ଧିଃ ॥
ଇତି ଚକିତମମନ୍ଦୀକୃତ୍ୟ ମାଂ ଭକ୍ତିରାଧାତ୍ ।
ୱରଦ ଚରଣୟୋସ୍ତେ ୱାକ୍ୟ-ପୁଷ୍ପୋପହାରମ୍ ॥୩୧॥
ଅସିତଗିରିସମଂ ସ୍ୟାତ୍ କଜ୍ଜଲଂ ସିନ୍ଧୁପାତ୍ରେ ।
ସୁର-ତରୁୱର-ଶାଖା ଲେଖନୀ ପତ୍ରମୁର୍ୱୀ ॥
ଲିଖତି ଯଦି ଗୃହୀତ୍ୱା ଶାରଦା ସର୍ୱକାଲମ୍ ।
ତଦପି ତୱ ଗୁଣାନାମୀଶ ପାରଂ ନ ଯାତି ॥୩୨॥
ଅସୁର ସୁର ମୁନୀନ୍ଦ୍ରୈରର୍ଚ୍ଚିତସ୍ୟେନ୍ଦୁମୌଳେଃ ।
ଗ୍ରନ୍ଥିତଗୁଣମହିମ୍ନୋ ନିର୍ଗୁଣସ୍ୟେଶ୍ୱରସ୍ୟ ।
ସକଲ ଗୁଣୱରିଷ୍ଠଃ ପୁଷ୍ପଦନ୍ତାଭିଧାନୋ ।
ରୁଚିରମଲଘୁୱୃତ୍ତେଃ ସ୍ତୋତ୍ରମେତଚ୍ଚକାର ॥୩୩॥
ଅହରହରନୱଦ୍ୟଂ ଧୂର୍ଜଟେଃ ସ୍ତୋତ୍ରମେତତ୍ ।
ପଠତି ପରମଭକ୍ତ୍ୟା ଶୁଦ୍ଧଚିତ୍ତଃ ପୁମାନ୍ୟଃ ॥
ସ ଭୱତି ଶିୱଲୋକେ ରୁଦ୍ରତୁଲ୍ୟସ୍ତଥାଽତ୍ର ।
ପ୍ରଚୁରତରଧନାୟୁଃ ପୁତ୍ରୱାନ୍ କୀର୍ତ୍ତିମାଂଶ୍ଚ ॥୩୪॥
ମହେଶାନ୍ନାପରୋ ଦେୱୋ ମହିମ୍ନୋ ନାପରା ସ୍ତୁତିଃ ।
ଅଘୋରାନ୍ନାପରୋ ମନ୍ତ୍ରୋ ନାସ୍ତି ତତ୍ତ୍ୱଂ ଗୁରୋଃ ପରମ୍ ॥୩୫॥
ଦୀକ୍ଷା ଦାନଂ ତପସ୍ତୀର୍ଥଂ ଜ୍ଞାନଂ ଯାଗାଦିକାଃ କ୍ରିୟାଃ ।
ମହିମ୍ନସ୍ତୱ ପାଠସ୍ୟ କଲାଂ ନାର୍ହନ୍ତି ଷୋଡ଼ଶୀମ୍ ॥୩୬॥
କୁସୁମଦଶନ ନାମା ସର୍ୱଗନ୍ଧର୍ୱରାଜଃ ।
ଶଶିଧରୱରମୌଳେର୍ଦେୱଦେୱସ୍ୟ ଦାସଃ ॥
ସ ଖଲୁ ନିଜମହିମ୍ନୋ ଭ୍ରଷ୍ଟ ଏୱାସ୍ୟ ରୋଷାତ୍ ।
ସ୍ତୱନମିଦମକାର୍ଷୀଦ୍ ଦିୱ୍ୟଦିୱ୍ୟଂ ମହିମ୍ନଃ ॥୩୭॥
ସୁରୱରମୁନିପୂଜ୍ୟଂ ସ୍ୱର୍ଗମୋକ୍ଷୈକହେତୁମ୍ ।
ପଠତି ଯଦି ମନୁଷ୍ୟଃ ପ୍ରାଞ୍ଜଲିର୍ନାନ୍ୟଚେତାଃ ॥
ବ୍ରଜତି ଶିୱସମୀପଂ କିନ୍ନରୈଃ ସ୍ତୂୟମାନଃ ।
ସ୍ତୱନମିଦମମୋଘଂ ପୁଷ୍ପଦନ୍ତପ୍ରଣୀତମ୍ ॥୩୮॥
ଆସମାପ୍ତମିଦଂ ସ୍ତୋତ୍ରଂ ପୁଣ୍ୟଂ ଗନ୍ଧର୍ୱ-ଭାଷିତମ୍ ।
ଅନୌପମ୍ୟଂ ମନୋହାରି ସର୍ୱମୀଶ୍ୱର ୱର୍ଣ୍ଣନମ୍ ॥୩୯॥
ଇତ୍ୟେଷା ୱାଙ୍ମୟୀ ପୂଜା ଶ୍ରୀମଚ୍ଛଙ୍କର-ପାଦୟୋଃ ।
ଅର୍ପିତା ତେନ ଦେୱେଶଃ ପ୍ରୀୟତାଂ ମେ ସଦାଶିୱଃ ॥୪୦॥
ତୱ ତତ୍ତ୍ୱଂ ନ ଜାନାମି କୀଦୃଶୋଽସି ମହେଶ୍ୱର ।
ଯାଦୃଶୋଽସି ମହାଦେୱ ତାଦୃଶାୟ ନମୋ ନମଃ ॥୪୧॥
ଏକକାଲଂ ଦ୍ୱିକାଲଂ ୱା ତ୍ରିକାଲଂ ଯଃ ପଠେନ୍ନରଃ ।
ସର୍ୱପାପ-ୱିନିର୍ମୁକ୍ତଃ ଶିୱ ଲୋକେ ମହୀୟତେ ॥୪୨॥
ଶ୍ରୀ ପୁଷ୍ପଦନ୍ତ-ମୁଖ-ପଙ୍କଜ-ନିର୍ଗତେନ ।
ସ୍ତୋତ୍ରେଣ କିଲ୍ୱିଷ-ହରେଣ ହର-ପ୍ରିୟେଣ ॥
କଣ୍ଠସ୍ଥିତେନ ପଠିତେନ ସମାହିତେନ ।
ସୁପ୍ରୀଣିତୋ ଭୱତି ଭୂତପତିର୍ମହେଶଃ ॥୪୩॥