महाकालभैरवाष्टकम्
यं यं यं यक्षरूपं दशदिशिविदितं भूमिकम्पायमानं
सं सं संहारमूर्तिं शिरमुकुटजटाजूटहारैर्विशालम् ।
दं दं दं दीर्घकायं विकृत्तनखमुखं चोर्ध्वरोमं करालं
पं पं पं पापनाशं प्रणमत सततं भैरवं क्षेत्रपालम् ॥ १॥
रं रं रं रक्तवर्णं कटिकटिततनुं तीक्ष्णदंष्ट्राकरालं
घं घं घं घोष घोषं घ घ घ घ घटितं घर्घरं घोरनादम् ।
कं कं कं कालपाशं धृक् धृक् धृगितकरं चामरं दिव्यदेहं
तं तं तं दिव्यनाथं प्रणमत सततं भैरवं क्षेत्रपालम् ॥ २॥
लं लं लं लं वदन्तं ल ल ल ललुलितं दीर्घजिह्वाकरालं
धूं धूं धूं धूम्रवर्णं स्फुटविकटमुखं भास्करं भीमरूपम् ।
रुं रुं रुं रुण्डमालं रवितमनियतं ताम्रनेत्रं करालं
नं नं नं नग्नभूषं प्रणमत सततं भैरवं क्षेत्रपालम् ॥ ३॥
वं वं वं वायुवेगं नखमुखधवलं चापरं खड्गहस्तं
ऐं ऐं ऐं ऐश्वर्यनाथं शिव शिव शिवदं विश्वरूपं विशालम् ।
भं भं भं भूतनाथं किलिकिलिकिलितं खड्गशूलादिपाणिं
तं तं तं देवदेवं प्रणमत सततं भैरवं क्षेत्रपालम् ॥ ४॥
शं शं शं शङ्खहस्तं शशिशुभ्रमुकुटं मौलिमालानुकूलं
हं हं हं हंसयानं हसितकलहकं मुक्तयोगाट्टहासं ।
रं रं रं रत्नवर्णं कटिकटिततनुं नीलवर्णं सुकेशं
यं यं यं यज्ञनाथं प्रणमत सततं भैरवं क्षेत्रपालम् ॥ ५॥
मं मं मं मन्त्ररूपं मदगजवाहनं महासेनयुक्तं
त्रिं त्रिं त्रिं त्रिनेत्रं त्रिशूलखड्गधरं त्रिलोकप्रसिद्धम् ।
चं चं चं चण्डमुण्डं प्रमथगणयुतं प्रेतभूतादिनाथं
तं तं तं तापहारीं प्रणमत सततं भैरवं क्षेत्रपालम् ॥ ६॥
खं खं खं खड्गभेदं विषममृतमयं कालकालं करालं
क्षं क्षं क्षं क्षिप्रवेगं दहदहदहनं तप्तसन्दीप्यमानम् ।
हौं हौं हौंकारनादं प्रकटितगहनं गर्जितैर्भूमिकम्पं
बं बं बं बालरूपं प्रणमत सततं भैरवं क्षेत्रपालम् ॥ ७॥
सं सं सं सिद्धियोगं सकलगुणमयं देवदेवं प्रसन्नं
पं पं पं पद्मनाभं हरिहरनुमितं चन्द्रसूर्याग्निनेत्रम् ।
ऐं ऐं ऐं ऐश्वर्यनाथं सततभयहरं पूर्वदेवस्वरूपं
रौं रौ रौं रौद्ररूपं प्रणमत सततं भैरवं क्षेत्रपालम् ॥ ८॥
इति श्रीमहाकालभैरवाष्टकम् सम्पूर्णम् ।