ଶ୍ରୀଗଣେଶାୟ ନମଃ ॥
ଓମିତି ଜ୍ଞାନମାତ୍ରେଣ ରୋଗାଜୀର୍ଣେନ ନିର୍ଜିତା ।
କାଲନିଦ୍ରାଂ ପ୍ରପନ୍ନୋऽସ୍ମି ତ୍ରାହି ମାଂ ମଧୁସୂଦନ ॥ ୧॥
ନ ଗତିର୍ବିଦ୍ୟତେ ଚାନ୍ୟା ତ୍ୱମେବ ଶରଣଂ ମମ ।
ପାପପଙ୍କେ ନିମଗ୍ନୋऽସ୍ମି ତ୍ରାହି ମାଂ ମଧୁସୂଦନ ॥ ୨॥
ମୋହିତୋ ମୋହଜାଲେନ ପୁତ୍ରଦାରଗୃହାଦିଷୁ ।
ତୃଷ୍ଣୟା ପୀଡ୍ୟମାନୋऽସ୍ମି ତ୍ରାହି ମାଂ ମଧୁସୂଦନ ॥ ୩॥
ଭକ୍ତିହୀନଂ ଚ ଦୀନଂ ଚ ଦୁଃଖଶୋକାତୁରଂ ପ୍ରଭୋ ।
ଅନାଶ୍ରୟମନାଥଂ ଚ ତ୍ରାହି ମାଂ ମଧୁସୂଦନ ॥ ୪॥
ଗତାଗତେନ ଶ୍ରାନ୍ତୋऽସ୍ମି ଦୀର୍ଘସଂସାରବର୍ତ୍ମସୁ ।
ୟେନ ଭୂୟୋ ନ ଗଚ୍ଛାମି ତ୍ରାହି ମାଂ ମଧୁସୂଦନ ॥ ୫॥
ବହବୋ ହି ମୟା ଦୃଷ୍ଟାଃ କ୍ଲେଶାଶ୍ଚୈବ ପୃଥକ୍ ପୃଥକ୍ ।
ଗର୍ଭବାସେ ମହଦ୍ଦୁଃଖଂ ତ୍ରାହି ମାଂ ମଧୁସୂଦନ ॥ ୬॥
ତେନ ଦେବ ପ୍ରପନ୍ନୋऽସ୍ମି ତ୍ରାଣାର୍ଥଂ ତ୍ୱତ୍ପରାୟଣଃ ।
ଦୁଃଖାର୍ଣବପରିତ୍ରାଣାତ୍ ତ୍ରାହି ମାଂ ମଧୁସୂଦନ ॥ ୭॥
ବାଚା ଯଚ୍ଚ ପ୍ରତିଜ୍ଞାତଂ କର୍ମଣା ନୋପପାଦିତମ୍ ।
ତତ୍ପାପାର୍ଜିତମଗ୍ନୋऽସ୍ମି ତ୍ରାହି ମାଂ ମଧୁସୂଦନ ॥ ୮॥
ସୁକୃତଂ ନ କୃତଂ କିଞ୍ଚିଦ୍ଦୁଷ୍କୃତଂ ଚ କୃତଂ ମୟା ।
ସଂସାରଘୋରେ ମଗ୍ନୋऽସ୍ମି ତ୍ରାହି ମାଂ ମଧୁସୂଦନ ॥ ୯॥
ଦେହାନ୍ତରସହସ୍ରେଷୁ ଚାନ୍ୟୋନ୍ୟଭ୍ରାମିତୋ ମୟା ।
ତିର୍ୟକ୍ତ୍ୱଂ ମାନୁଷତ୍ୱଂ ଚ ତ୍ରାହି ମାଂ ମଧୁସୂଦନ ॥ ୧୦॥
ବାଚୟାମି ଯଥୋନ୍ମତ୍ତଃ ପ୍ରଲପାମି ତବାଗ୍ରତଃ ।
ଜରାମରଣଭୀତୋऽସ୍ମି ତ୍ରାହି ମାଂ ମଧୁସୂଦନ ॥ ୧୧॥
ୟତ୍ର ଯତ୍ର ଚ ଯାତୋऽସ୍ମି ସ୍ତ୍ରୀଷୁ ବା ପୁରୁଷେଷୁ ଚ ।
ତତ୍ର ତତ୍ରାଚଲା ଭକ୍ତିସ୍ତ୍ରାହି ମାଂ ମଧୁସୂଦନ ॥ ୧୨॥
ଗତ୍ୱା ଗତ୍ୱା ନିବର୍ତ୍ତନ୍ତେ ଚନ୍ଦ୍ରସୂର୍ୟାଦୟୋ ଗ୍ରହାଃ ।
ଅଦ୍ୟାପି ନ ନିବର୍ତ୍ତନ୍ତେ ଦ୍ୱାଦଶାକ୍ଷରଚିନ୍ତକାଃ ॥ ୧୩॥
ଊର୍ଧ୍ବପାତାଲମର୍ତ୍ୟେଷୁ ବ୍ୟାପ୍ତଂ ଲୋକଂ ଜଗତ୍ତ୍ରୟମ୍ ।
ଦ୍ୱାଦଶାକ୍ଷରାତ୍ପରଂ ନାସ୍ତି ବାସୁଦେବେନ ଭାଷିତମ୍ ॥ ୧୪॥
ଦ୍ୱାଦଶାକ୍ଷରଂ ମହାମନ୍ତ୍ରଂ ସର୍ବକାମଫଳପ୍ରଦମ୍ ।
ଗର୍ଭବାସନିବାସେନ ଶୁକେନ ପରିଭାଷିତମ୍ ॥ ୧୫॥
ଦ୍ୱାଦଶାକ୍ଷରଂ ନିରାହାରୋ ଯଃ ଯଃ ପଠେଦ୍ଧରିବାସରେ ।
ସ ଗଚ୍ଛେଦ୍ୱୈଷ୍ଣବଂ ସ୍ଥାନଂ ଯତ୍ର ଯୋଗେଶ୍ୱରୋ ହରିଃ ॥ ୧୬॥
ଇତି ଶ୍ରୀଶୁକଦେବବିରଚିତଂ ମଧୁସୂଦନସ୍ତୋତ୍ରଂ ସମ୍ପୂର୍ଣମ୍ ॥