ଶ୍ରିତ କମଲା କୁଚ ମଣ୍ଡଲ, ଧୃତ କୁଣ୍ଡଲ
କଲିତ ଲଲିତ ବନମାଲ, ଜୟ ଜୟ ଦେବ ହରେ ॥୧॥
ଦିନମଣି ମଣ୍ଡଲ ମଣ୍ଡନ, ଭବ ଖଣ୍ଡନ
ମୁନିଜନ ମାନସ ହଂସ, ଜୟ ଜୟ ଦେବ ହରେ ॥୨॥
କାଳିୟ ବିଷଧର ଗଞ୍ଜନ, ଜନ ରଞ୍ଜନ
ୟଦୁକୁଳ ନଳିନ ଦିନେଶ, ଜୟ ଜୟ ଦେବ ହରେ ॥୩॥
ମଧୁ ମୁର ନରକ ବିନାଶନ, ଗରୁଡ଼ାସନ
ସୁରକୁଳ କେଲି ନିଦାନ, ଜୟ ଜୟ ଦେବ ହରେ ॥୪॥
ଅମଳ କମଳ ଦଳ ଲୋଚନ, ଭବ ମୋଚନ
ତ୍ରିଭୁବନ ଭୁବନ ନିଧାନ, ଜୟ ଜୟ ଦେବ ହରେ ॥୫॥
ଜନକ ସୁତାକୃତ ଭୂଷଣ, ଜିତ ଦୂଷଣ
ସମର ଶମିତ ଦଶକଣ୍ଠ, ଜୟ ଜୟ ଦେବ ହରେ ॥୬॥
ଅଭିନବ ଜଳଧର ସୁନ୍ଦର, ଧୃତ ମନ୍ଦର
ଶ୍ରୀମୁଖ ଚନ୍ଦ୍ର ଚକୋର, ଜୟ ଜୟ ଦେବ ହରେ ॥୭॥
ତବ ଚରଣଂ ପ୍ରଣତା ବୟମ୍, ଇତି ଭାବୟ
କୁରୁ କୁଶଳଂ ପ୍ରଣତେଷୁ, ଜୟ ଜୟ ଦେବ ହରେ ॥୮॥
ଶ୍ରୀ ଜୟଦେବ କବେରିଦଂ, କୁରୁତେ ମୁଦମ୍
ମଙ୍ଗଳମ୍ ଉଜ୍ଜ୍ୱଳ ଗୀତଂ, ଜୟ ଜୟ ଦେବ ହରେ ॥୯॥