🔴🌹🥀ଶ୍ରୀ ଗୁରୁପାଦୁକା ସ୍ତୋତ୍ରମ୍ 🥀🌹🔴
ଅନନ୍ତସଂସାର ସମୁଦ୍ରତାରଂ
ନୌକାୟିତାଭ୍ୟାଂ ଗୁରୁଭକ୍ତିଦାଭ୍ୟାମ୍ ।
ବୈରାଗ୍ୟସାମ୍ରାଜ୍ୟଦପୂଜନାଭ୍ୟାଂ
ନମୋ ନମଃ ଶ୍ରୀଗୁରୁପାଦୁକାଭ୍ୟାମ୍ ॥
କବିତ୍ୱବାରାଶିନିଶାକରାଭ୍ୟାଂ
ଦୌର୍ଭାଗ୍ୟଦାବାମ୍ବୁଦମାଳିକାଭ୍ୟାମ୍ ।
ଦୂରିକୃତାନମ୍ର ବିପତ୍ତିତାଭ୍ୟାଂ
ନମୋ ନମଃ ଶ୍ରୀଗୁରୁପାଦୁକାଭ୍ୟାମ୍ ॥
ନତା ଯୟୋଃ ଶ୍ରୀପତିତାଂ ସମୀୟୁଃ
କଦାଚିଦପ୍ୟାଶୁ ଦରିଦ୍ରବର୍ଯ୍ୟାଃ ।
ମୂକାଶ୍ଚ ବାଚସ୍ପତିତାଂ ହି ତାଭ୍ୟାଂ
ନମୋ ନମଃ ଶ୍ରୀଗୁରୁପାଦୁକାଭ୍ୟାମ୍ ॥
ନାଳୀକନୀକାଶ ପଦାହୃତାଭ୍ୟାଂ
ନାନାବିମୋହାଦି ନିବାରିକାଭ୍ୟାମ୍ ।
ନମଜ୍ଜନାଭୀଷ୍ଟତତିପ୍ରଦାଭ୍ୟାଂ
ନମୋ ନମଃ ଶ୍ରୀଗୁରୁପାଦୁକାଭ୍ୟାମ୍ ॥
ନୃପାଳି ମୌଳିବ୍ରଜରତ୍ନକାନ୍ତି
ସରିଦ୍ୱିରାଜଜ୍ଝଷକନ୍ୟକାଭ୍ୟାମ୍ ।
ନୃପତ୍ୱଦାଭ୍ୟାଂ ନତଲୋକପଙ୍କେଃ
ନମୋ ନମଃ ଶ୍ରୀଗୁରୁପାଦୁକାଭ୍ୟାମ୍ ॥
ପାପାନ୍ଧକାରାର୍କ ପରମ୍ପରାଭ୍ୟାଂ
ତାପତ୍ରୟାହୀନ୍ଦ୍ର ଖଗେଶ୍ବରାଭ୍ୟାମ୍ ।
ଜାଡ୍ୟାବ୍ଧି ସଂଶୋଷଣ ବାଡବାଭ୍ୟାଂ
ନମୋ ନମଃ ଶ୍ରୀଗୁରୁପାଦୁକାଭ୍ୟାମ୍ ॥
ଶମାଦିଷଟ୍କ ପ୍ରଦବୈଭବାଭ୍ୟାଂ
ସମାଧିଦାନ ବ୍ରତଦୀକ୍ଷିତାଭ୍ୟାମ୍ ।
ରମାଧବାଂଘ୍ରିସ୍ଥିରଭକ୍ତିଦାଭ୍ୟାଂ
ନମୋ ନମଃ ଶ୍ରୀଗୁରୁପାଦୁକାଭ୍ୟାମ୍ ॥
ସ୍ୱାର୍ଚାପରାଣାଂ ମଖିଳେଷ୍ଟଦାଭ୍ୟାଂ
ସ୍ୱାହାସହାୟାକ୍ଷଧୁରନ୍ଧରାଭ୍ୟାମ୍ ।
ସ୍ୱାନ୍ତାଚ୍ଛଭାବପ୍ରଦପୂଜନାଭ୍ୟାଂ
ନମୋ ନମଃ ଶ୍ରୀଗୁରୁପାଦୁକାଭ୍ୟାମ୍ ॥
କାମାଦିସର୍ପ ବ୍ରଜଗାରୁଡାଭ୍ୟାଂ
ବିବେକବୈରାଗ୍ୟ ନିଧିପ୍ରଦାଭ୍ୟାମ୍ ।
ବୋଧପ୍ରଦାଭ୍ୟାଂ ଦ୍ରୁତମୋକ୍ଷଦାଭ୍ୟାଂ
ନମୋ ନମଃ ଶ୍ରୀଗୁରୁପାଦୁକାଭ୍ୟାମ୍ ॥
🔴॥ ଇତି ଶ୍ରୀ ଗୁରୁପାଦୁକା ସ୍ତୋତ୍ରଂ ସମ୍ପୂର୍ଣ୍ଣମ୍ ॥🔴