🕉‼️ଶ୍ରୀଜଗନ୍ନାଥାଷ୍ଟକମ୍ ‼️🕉
***************************
କଦାଚିତ୍-କାଳିନ୍ଦୀ-ତଟ ଵିପିନ-ସଙ୍ଗୀତ- କଵରୋ
ମୁଦାଭୀରୀ-ନାରୀ ଵଦନ-କମ ଳାସ୍ଵାଦ-ମଧୁପଃ ।
ରମା-ଶମ୍ଭୁ-ବ୍ରହ୍ମାମରପତି-ଗଣେଶାର୍ଚ୍ଚିତ-ପଦୋ
ଜଗନ୍ନାଥଃ ସ୍ଵାମୀ ନୟନ-ପଥ-ଗାମୀ ଭଵତୁ ମେ ॥ ୧ ॥
ଭୁଜୋ ସଵ୍ୟେ ଵେଣୁଂ ଶିରସି ଶିଖି-ପିଂଛଂ କଟିତଟେ
ଦୁକୂଲଂ ନେତ୍ରାନ୍ତେ ସହଚରକଟାକ୍ଷଂ ଵିଦଧତେ ।
ସଦା ଶ୍ରୀମଦ୍ଵୃନ୍ଦାଵନଵସତିଲୀଲାପରିଚୟୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ନେ ॥ ୨ ॥
ମହାମ୍ଭୋଧେସ୍ତୀରେ କନକରୁଚିରେ ନୀଲଶିଖରେ
ଵସନ୍ ପ୍ରାସାଦାନ୍ତସ୍ସହଜବଲଭଦ୍ରେଣ ବଲିନା ।
ସୁଭଦ୍ରାମଧ୍ୟସ୍ଥସ୍ସକଲସୁରସେଵାଵସରଦୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ ୩ ॥
କୃପାପାରାଵାରାସ୍ସଜଲଜଲଦଶ୍ରେଣିରୁଚିରୋ
ରମାଵାଣୀସୌମସ୍ସୁରଦମଲପଦ୍ମୋଦ୍ଭଵମୁଖୈଃ ।
ସୁରେନ୍ଦ୍ରୈରାରାଧ୍ୟଃ ଶ୍ରୁତିଗଣଶିଖାଗୀତଚରିତୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ ୪ ॥
ରଥାରୂଢୋ ଗଚ୍ଛନ୍ ପଥି ମିଲିତଭୂଦେଵପଟଲୈଃ
ସ୍ତୁତିପ୍ରାଦୁର୍ଭାଵଂ ପ୍ରତିପଦ ମୁପାକର୍ଣ୍ୟ ସଦୟଃ ।
ଦୟାସିନ୍ଧୁର୍ବନ୍ଧୁସ୍ସକଲଜଗତା ସିନ୍ଧୁସୁତୟା
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ ୫ ॥
ପରବ୍ରହ୍ମାପୀଡଃ କୁଵଲୟଦଲୋତ୍ଫୁଲ୍ଲନୟନୋ
ନିଵାସୀ ନୀଲାଦ୍ରୌ ନିହିତଚରଣୋଽନନ୍ତଶିରସି ।
ରସାନନ୍ଦୋ ରାଧାସରସଵପୁରାଲିଙ୍ଗନସଖୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ ୬ ॥
ନ ଵୈ ପ୍ରାର୍ଥ୍ୟଂ ରାଜ୍ୟଂ ନ ଚ କନକତାଂ ଭୋଗଵିଭଵଂ
ନ ୟାଚେଽହଂ ରମ୍ୟାଂ ନିଖିଲଜନକାମ୍ୟାଂ ଵରଵଧୂଂ ।
ସଦା କାଳେ କାଳେ ପ୍ରମଥପତିନା ଗୀତଚରିତୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ ୭ ॥
ହର ତ୍ଵଂ ସଂସାରଂ ଦ୍ରୁତତରମସାରଂ ସୁରପତେ
ହର ତ୍ଵଂ ପାପାନାଂ ଵିତତିମପରାଂ ୟାଦଵପତେ ।
ଅହୋ ଦୀନାନାଥଂ ନିହିତମଚଲଂ ନିଶ୍ଚିତପଦଂ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ ୮ ॥
II ଇତି ଶ୍ରୀମଦ୍ ଶଙ୍କରାଚାର୍ୟପ୍ରଣୀତଂ ଜଗନ୍ନାଥାଷ୍ଟକଂ ସମ୍ପୂର୍ଣମ୍॥