ସରସ୍ୱତୀ ସ୍ତୋତ୍ରମ୍
ୟା କୁଂଦେଂଦୁ ତୁଷାରହାରଧୱଲା ୟା ଶୁଭ୍ରୱସ୍ତ୍ରାୱୃତା
ୟା ୱୀଣାୱରଦଂଡମଂଡିତକରା ୟା ଶ୍ୱେତପଦ୍ମାସନା ।
ୟା ବ୍ରହ୍ମାଚ୍ୟୁତ ଶଂକରପ୍ରଭୃତିଭିର୍ଦେୱୈସ୍ସଦା ପୂଜିତା
ସା ମାଂ ପାତୁ ସରସ୍ୱତୀ ଭଗୱତୀ ନିଶ୍ଶେଷଜାଡ୍ୟାପହା ॥ 1 ॥
ଦୋର୍ଭିର୍ୟୁକ୍ତା ଚତୁର୍ଭିଃ ସ୍ଫଟିକମଣିନିଭୈ ରକ୍ଷମାଲାଂଦଧାନା
ହସ୍ତେନୈକେନ ପଦ୍ମଂ ସିତମପିଚ ଶୁକଂ ପୁସ୍ତକଂ ଚାପରେଣ ।
ଭାସା କୁଂଦେଂଦୁଶଂଖସ୍ଫଟିକମଣିନିଭା ଭାସମାନାzସମାନା
ସା ମେ ୱାଗ୍ଦେୱତେୟଂ ନିୱସତୁ ୱଦନେ ସର୍ୱଦା ସୁପ୍ରସନ୍ନା ॥ 2 ॥
ସୁରାସୁରୈସ୍ସେୱିତପାଦପଂକଜା କରେ ୱିରାଜତ୍କମନୀୟପୁସ୍ତକା ।
ୱିରିଂଚିପତ୍ନୀ କମଲାସନସ୍ଥିତା ସରସ୍ୱତୀ ନୃତ୍ୟତୁ ୱାଚି ମେ ସଦା ॥ 3 ॥
ସରସ୍ୱତୀ ସରସିଜକେସରପ୍ରଭା ତପସ୍ୱିନୀ ସିତକମଲାସନପ୍ରିୟା ।
ଘନସ୍ତନୀ କମଲୱିଲୋଲଲୋଚନା ମନସ୍ୱିନୀ ଭୱତୁ ୱରପ୍ରସାଦିନୀ ॥ 4 ॥
ସରସ୍ୱତି ନମସ୍ତୁଭ୍ୟଂ ୱରଦେ କାମରୂପିଣି ।
ୱିଦ୍ୟାରଂଭଂ କରିଷ୍ୟାମି ସିଦ୍ଧିର୍ଭୱତୁ ମେ ସଦା ॥ 5 ॥
ସରସ୍ୱତି ନମସ୍ତୁଭ୍ୟଂ ସର୍ୱଦେୱି ନମୋ ନମଃ ।
ଶାଂତରୂପେ ଶଶିଧରେ ସର୍ୱୟୋଗେ ନମୋ ନମଃ ॥ 6 ॥
ନିତ୍ୟାନଂଦେ ନିରାଧାରେ ନିଷ୍କଲାୟୈ ନମୋ ନମଃ ।
ୱିଦ୍ୟାଧରେ ୱିଶାଲାକ୍ଷି ଶୁଦ୍ଧଜ୍ଞାନେ ନମୋ ନମଃ ॥ 7 ॥
ଶୁଦ୍ଧସ୍ଫଟିକରୂପାୟୈ ସୂକ୍ଷ୍ମରୂପେ ନମୋ ନମଃ ।
ଶବ୍ଦବ୍ରହ୍ମି ଚତୁର୍ହସ୍ତେ ସର୍ୱସିଦ୍ଧ୍ୟୈ ନମୋ ନମଃ ॥ 8 ॥
ମୁକ୍ତାଲଂକୃତ ସର୍ୱାଂଗ୍ୟୈ ମୂଲାଧାରେ ନମୋ ନମଃ ।
ମୂଲମଂତ୍ରସ୍ୱରୂପାୟୈ ମୂଲଶକ୍ତ୍ୟୈ ନମୋ ନମଃ ॥ 9 ॥
ମନୋନ୍ମନି ମହାଭୋଗେ ୱାଗୀଶ୍ୱରି ନମୋ ନମଃ ।
ୱାଗ୍ମ୍ୟୈ ୱରଦହସ୍ତାୟୈ ୱରଦାୟୈ ନମୋ ନମଃ ॥ 10 ॥
ୱେଦାୟୈ ୱେଦରୂପାୟୈ ୱେଦାଂତାୟୈ ନମୋ ନମଃ ।
ଗୁଣଦୋଷୱିୱର୍ଜିନ୍ୟୈ ଗୁଣଦୀପ୍ତ୍ୟୈ ନମୋ ନମଃ ॥ 11 ॥
ସର୍ୱଜ୍ଞାନେ ସଦାନଂଦେ ସର୍ୱରୂପେ ନମୋ ନମଃ ।
ସଂପନ୍ନାୟୈ କୁମାର୍ୟୈ ଚ ସର୍ୱଜ୍ଞେ ତେ ନମୋ ନମଃ ॥ 12 ॥
ୟୋଗାନାର୍ୟ ଉମାଦେୱ୍ୟୈ ୟୋଗାନଂଦେ ନମୋ ନମଃ ।
ଦିୱ୍ୟଜ୍ଞାନ ତ୍ରିନେତ୍ରାୟୈ ଦିୱ୍ୟମୂର୍ତ୍ୟୈ ନମୋ ନମଃ ॥ 13 ॥
ଅର୍ଧଚଂଦ୍ରଜଟାଧାରି ଚଂଦ୍ରବିଂବେ ନମୋ ନମଃ ।
ଚଂଦ୍ରାଦିତ୍ୟଜଟାଧାରି ଚଂଦ୍ରବିଂବେ ନମୋ ନମଃ ॥ 14 ॥
ଅଣୁରୂପେ ମହାରୂପେ ୱିଶ୍ୱରୂପେ ନମୋ ନମଃ ।
ଅଣିମାଦ୍ୟଷ୍ଟସିଦ୍ଧାୟୈ ଆନଂଦାୟୈ ନମୋ ନମଃ ॥ 15 ॥
ଜ୍ଞାନ ୱିଜ୍ଞାନ ରୂପାୟୈ ଜ୍ଞାନମୂର୍ତେ ନମୋ ନମଃ ।
ନାନାଶାସ୍ତ୍ର ସ୍ୱରୂପାୟୈ ନାନାରୂପେ ନମୋ ନମଃ ॥ 16 ॥
ପଦ୍ମଜା ପଦ୍ମୱଂଶା ଚ ପଦ୍ମରୂପେ ନମୋ ନମଃ ।
ପରମେଷ୍ଠ୍ୟୈ ପରାମୂର୍ତ୍ୟୈ ନମସ୍ତେ ପାପନାଶିନୀ ॥ 17 ॥
ମହାଦେୱ୍ୟୈ ମହାକାଲ୍ୟୈ ମହାଲକ୍ଷ୍ମ୍ୟୈ ନମୋ ନମଃ ।
ବ୍ରହ୍ମୱିଷ୍ଣୁଶିୱାୟୈ ଚ ବ୍ରହ୍ମନାର୍ୟୈ ନମୋ ନମଃ ॥ 18 ॥
କମଲାକରପୁଷ୍ପା ଚ କାମରୂପେ ନମୋ ନମଃ ।
କପାଲିକର୍ମଦୀପ୍ତାୟୈ କର୍ମଦାୟୈ ନମୋ ନମଃ ॥ 19 ॥
ସାୟଂ ପ୍ରାତଃ ପଠେନ୍ନିତ୍ୟଂ ଷଣ୍ମାସାତ୍ସିଦ୍ଧିରୁଚ୍ୟତେ ।
ଚୋରୱ୍ୟାଘ୍ରଭୟଂ ନାସ୍ତି ପଠତାଂ ଶୃଣ୍ୱତାମପି ॥ 20 ॥
ଇତ୍ଥଂ ସରସ୍ୱତୀ ସ୍ତୋତ୍ରମଗସ୍ତ୍ୟମୁନି ୱାଚକମ୍ ।
ସର୍ୱସିଦ୍ଧିକରଂ ନୃଣାଂ ସର୍ୱପାପପ୍ରଣାଶନମ୍ ॥ 21 ॥
ୱ ଏହା ସଂସ୍କୃତ ରେ ବୋଲା ଯାଏ, ଯାହାକୁ ଆମେ ଓଡ଼ିଆ ରେ ବ ଉଚ୍ଚାରଣ କରୁ , ଆପଣଙ୍କୁ ଯାହା ସୁବିଧା ସେହି ଅନୁସାରେ ଉଚ୍ଚାରଣ କରି ପରିବେ